In ein poor Stünnen bewarkte InSicht nao eine säben Maonde duuren Reise nao den Mars eine Billerbauk-Landung. Dei Sonde flög nao eine 484.773.006 km lange Reise mit eine Geschwinnigkeit van deils 10.000 km/h an dei Marsbaohn ran.

Mars-Foto van Marco, upnaohmen twei Daoge vör dat Ankaomen bi den Mars.
Bild-Daoten: NASA; Video: hier

Dei NASA-Ingenieure bi dat Jet Propulsion Laboratory in Pasadena, Kalifornien, dei dat Leit äöwer der Mission haren, möken aals praot för dat Brems-Inträen van dat Ruumschipp in dei Marsatmosphäre. Nao dat Affstiegen mit einen Fallscherm un mit 12 Brems-Raketen landete InSicht an'n 26.11.2018 üm 21 Uhr (MES). "Wi häbbt bitlang den Mars ut den Ümloop studeiert un siet 1965 van den Bodden ut väl äöwer dat Weer, dei Atmosphäre, dei Geologie un dei Boddenchemie rutfunnen", sä Lori Glaze, geschäftlicke Direktor van dei Affdeilung för Planetary Science in dat NASA Science Missions-Direktorat. "Nu käönt wi eis dei Binnenlaogen van den Mars naokieken un wi krieget eine bätere Künne van den Mars-Upbau."

Hier dei Phasen van dei Landung:

InSicht stigg mit den Fallscherm aff. Bild-Daoten: NASA

InSicht is jüst van dat Reisemodul affsprungen. Bild-Daoten: NASA

Affstiegen mit dei Brems-Raketen. Bild-Daoten: NASA

Vullbremsung bi dei Landung. Bild-Daoten: NASA

Vör dat Inträen van InSicht in dei Marsatmosphäre möss man noch leßte Saoken taurechte leggen. Üm 16:47 Uhr (MES) möken dei Ingenieure mit Erfolg eine leßte Fleigbaohn-Manöver-Korrektur. So kunnen sei dei Sonde blots ein poor Kilometer bisiet van den plaonten Affstiegpunkt äöwer den Mars stüern. Bold twei Stünnen vör dat Inträen in dei Atmosphäre kunn dei Mannschkup uck dat leßte Anpassen an den Algorithmus hochlaoden, dei dat Ruumschipp seker up den Bodden stüerde.

Hier süht man, wie grot dei Apparaot is. Bild-Daoten: NASA

Dornao stüerde dat System dat leßte End van den Weg sülwes. Dei Missions-Mannschkup warkede Maonde in'n Vörn an jede Phase van dei InSicht-Landung. Dei programmeierde Anpassungen, nao dei Weermeldungen van dei ümloopen NASA-Forschkungssonde.
"Wenn dei meisten Lüe in'n Lande Arntedank mit ehre Familje un ehre Frönde fierden, wassen dei InSicht-Lüe mit dei leßten Vörarbeiten för dei Landung, maondaogs, an'n Gang", sä Tom Hoffman van dat JPL, Projektleiter van InSicht. "Eine Landung up den Mars gaiht stuur un bruuket ein grotet Opper, so at dit van olds her fierte Arntedankfest. Aower för den Erfolg bi dei InSicht-Landung hätt sich disse besünnere Meithe lohnt."

Groot Juchei bi dei InSicht-Mannschkup. Bild-Daoten: NASA

Et werd noch ein poor Daoge duurn, denn kann et mit dei Wätenschkup ünner den Marsbodden losgaohn.