Stä, wor dei Rakete upstiegen schall. Bild: Ludgerd Lüske, Koort: Google

Den Puls van den Mars mäten

Bild: NASA, affännert

Dat InSicht-Seismometer, Seis, is ein seismischket Experiment för dei Mars-Binnen-Struktur. Et is ein Instrument in Kuppelform. Dat schall up den Marsbodden liggen un den "Puls" off dat seismischke Schwingen van den Mars upnähmen. Disse "Puls" giff us ein Bild van dei Binnenaktivität van dissen Planet. Dat Seis töff dorup,dat seismischke Wellen van ein Marsbäwern off van upschlaon Meteoriten ankaomet.

Eine Riege van Wind-, Druck-, Temperatur- un Magnetfeldsensoren helpet bi dat Fienaffstimmen van Seis. Dat helpet uck bi dat Upnähmen van Boddenvibrationen, dei dör Stoffstürme, Stoffdüvels off dör Turbulenzen in dei Atmosphäre taustanne kaomt. Dei Seis-Resultaote vertellt dei Forschkers wat äöwer dei Natur van dat Materiaol, womit sick taueiers dei felsigen Planeten in dat Sünnensystem tausaomebackden. Seis kann us sogor wiesen, off et ünner den Marsbodden fleeten Waoter off aktive Vulkaon-Kägels giff.

Technischke Daoten

Haupt-Upgaobe: den Marsimpuls mäten dör dat Ünnerseuken van Wellen van Marsbäwern, van Meteoriteninschläge un van Boddenschwingungen, dei dör Aktionen in dei Marsatmosphäre un dör Stoffstürme upkaomt.

Stä: up den Marsbodden
Masse: 29,5 Kilogramm
Leistung: bit tau 8,5 Watt
Vakuumkaomer: rund 3 Liter
Affgaohn Daoten: 38 Megabit an'n Dag

Landung: 26. November 2018
Landeplatz: Elysium Planitia, Mars
Missionsduur: Wat mehr at 1 Marsjohr (~ 2 Eerdjohre); 708 Sols (Mars-Daoge) off 728 Eerd-Daoge

Bolde startet dei Nasa dei Mission InSicht. Mit an Bord is ein Instrument, wat dat Max-Planck-Institut för Sünnensystemforschkung in Göttingen mitbawen dö: Seis

"Wi häbbt lange up dissen Oogenblick töfft; 130 Johre nao den eiersten seismischken Rekord up dei Eern un bold 50 Johre nao dat Affsetten van ein Apollo-Programm-Seismometer up den Maond. Wi lehrt van Seis wisse, wo dei Mars sick upbawen kunn." (Philippe Lognonné, Institut för Eerdphysik van Paris, Universität Paris Diderot)

5 Saoken schull man wäten:

Up ehre Reise ännert sich dei Wellen

So at Lecht sick ännert, wenn et dör Waoter off Glas dörgaiht, so ännert sick uck dei seismischken Wellen, wenn dei binnen dör einen Planet lopet. Wo sick disse Wellen ännert, hang van dat binnen liggen Materiaol aff. Dör Seis krieget dei Forschkers rut, dör wat för ein Materiaol dei Wellen löpen.

Landestä up den Mars: Glückseligkeitsbarg (= Elysium Mons). Klingt gaud!

Wellen vertellt Geschichten

Dei Wellen van ein grotet Bäwern käönt up lange Wege dör eine Riege van Materiaol in einen Planet loopen. Aal dit unnerscheidlicke Wark ännert dei Welle up ehre eigen Oort. Tau'n Verstaohn van dat Binnenwark in einen Planet kann Seis eine heile Riege an Variationen in dei seismischken Wellen dütlick uteinanner hollen. Dit helpet, dat man väle Saoken äöwer dei Struktur van dei Laogen finnt.

Dei Forschkers glöwet, dat rundümme van dei Landestä in 1000 bit 2000 Kilometer, so at dei Gägend üm den Elysium-Barg (Elysium Mons) Vulkaonismus un Eerdbäwern vör 1 bit 10 Millionen Johre vörkömen. Dat is för einen Planet nei. Dat Seismometer van InSicht werd uck dei Laoge van einen Vulkaon wiesen, wenn seismischke Wellen dor dör lopet.

annaohmen Binnen-Ansicht van den Mars

Seismometerkurven, at man sick dei vörstellt

"Wenn wi Karneval fiert un Samba danzet, denn bäwert dei Mars.
Is doch logisch!"