Dat Kruut för'n Braakmaand:
Stiefmütterchen
vun Anke Nissen
Viola tricolor Familie Violaceae (Veilchengewächse)
![](naturbiller/tricolor_03.gif)
|
|
|
Ackerveilchen,
Adali, Ankeli, Achermühli, Denkeli, Denkblümlein, Dreifaligkeitskraut,
Dreifaltigkeitsblume, Feldstiefmütterchen, Freisamkraut, Garböcklein,
Gedenkemein, Jelängerjelieber, Jesusblümlein, Kathrinchen,
Liebesgesichtli, Mädchenauge, Muttergottesschuh, Samtblümlein,
Samveieli, Samtadali, Schöngesicht, Schwiegerli, Schwelkeblume,
Siebenfarbenblume, Stiefkinder, Tag-und-Nachtblume, Tag-un-Nacht-Blümele,
Tag-und-Nachtblümlein, Unnütze Sorge, Waisenblüt, Wildes
Stiefmütterchen.
Plattdüütsch: Kreihenbloom
|
Sammelt warrt:
|
Kruut (Herba Viola tricolores)
|
|
- Drifft Sweet un Harn ut,
- reinigt dat Bloot,
- gegen Milchschorf
|
|
- 1 Eetlöpel Kruut
- mit ¼ l kolt Water övergeten,
- över Nacht stahn laten, trecken laten.
- Morgens nüchtern drinken.
- 2 - 3 Weken lang!
|
|
![](naturbiller/tricolor_03.gif) |
Plantenfamilie Violaceae (Veilchen)
In
miene ollen Krüderböker find ik eerst vun 1543 an wat över
uns Stiefmütterchen, also över Viola tricolor. Vörher
sünd jümmers wenn vun de Violen schreven warrt
de Plantenfamilie Veilchen alltohoop meent.
In't Middelöller hebbt de Veilchengewächse to de groten
Arzneiplanten tohöört, se wörrn bruukt bi Kinnerkrankheiten,
gegen Koppweh, Epilepsie un Hoosten.
Groot Bedüden harr dorto Öl, dat ut Veilchen herstellt
wörr, dat Veilchenöl. Dat wörr bruukt bi fast all Kranksien
un Verletztsien vun buten, ok bi Fever, wiel dat Öl up de Huut
kühlend wirkt.
Ut "Macer floridus" vun Odo Magdunensis:
Weder die Pracht der Rose noch die Lilie kann die duftenden
Veilchen übertreffen in Gestalt, Geruch und Wirkungsmacht...
Stampft man die Veilchen und legt sie auf, lindern sie entzündete
Körperstellen. Dem, der getrunken hat und nun am Rausche leidet
sowie an schwerem Kopf, dem verjagt diese Qual der Duft von Veilchen:
Er braucht nur an ihnen zu riechen oder sein Haupt mit ihnen zu
bekränzen...
Eerst Leonhart Fuchs hett in sien "Kreutterbuch" (1543)
dat Stiefmütterchen düütlich vun dat Veilchen
vun all Veilchen-Oorten ünnerscheden.
|
|
|
Es gibt ein bescheidenes Pflänzchen
ohne Duft und ohne Zier.
Hast du Wunden und Schwären,
geh aufs Feld und hol es dir!
Dat
Stiefmütterchen is eenjährig, hett enen kantig, weken, hohlen,
veelästig Stängel, blöht vun April bet in den November
rin.
De Naam "Dreifaltigkeitskruut" (ok Dreifaltigkeitsblümchen,
Dreifaltigkeitsblume) kümmt wohrschienlich dorvun, dat de
Blööd dree Farven hett.
Ene Legende vertellt: Dat Stiefmütterchen hett fröher enen
wunnerboren Duft hatt. Dorüm hebbt de Minschen de lütt Bloom
jümmers afplückt, se muchen de to geern rüken. Enen
Dag hett de lütt Bloom ropen:
"O hillige Dreifaltigkeit, nimm den fienen Duft vun mi, dat mi
de Minschen leven laat!"
Ehr Wunsch wörr erfüllt, nu wasst uns' Stiefmütterchen
överall un in Freden.
De Naam "Freisamkruut" wiest dit Kruut as Mittel
gegen "Freisam" = Milchschorf ut.
|
|
|
De
Naam Stiefmütterchen (ok Waisenblüt, Schwiegerli,
Stiefkinder) sall vun ene Sagestammen: Dat Stiefmütterchen
hett as wi all weten 5 Blöden-Bläder. Up de
beiden böversten Bläder so hebbt wi as Kinner seggt
sitt de Stiefmudder. Ehre beiden Döchter sitten rechts
un links up de beiden Siedenbläder. Man de beiden Stiefdöchter,
de hebbt blots noch dat ünnerst Blatt un sitt dor tohoop up.
De Vadder sall symboliseert warrn vun den Griffel un de Narbe. He
is inzwängt mank sine Fru un siene Döchter. He kümmt
eerst rut, wenn se all fiev utgaht, dat bedüüdt, wenn de
Bloom verwelkt, wenn de Blödenbläder affallt.
Mit
den Naam Tag-un-Nacht-Blümele (ok Tag-und-Nachtblümlein)
hebbt wi mal en lütt Beleven hatt:
Mien Mann un ik hebbt vör Johren mal Stuttgart besöcht.
Wi bummeln morgens dörch de Stadt un bleven vör grote Blomenrabatten
stahn un freuen uns dor an. En Mann keem na uns ran un fraag uns
ik kann dat nu nich in Stuttgartschen Dialekt seggen man he
fraag, wat uns de "Tag-un-Nacht-Blümele" gefallt. Tag-un-Nacht-Blümele?
Wi wüssen nich, wovun de Mann snack. Man denn wies he up en Blomenbeet,
un dat stünn vull mit Stiefmütterchen.
|
![](naturbiller/tricolor_03.gif) |
|
-
is goot för den helen Kreislauf,
-
fördert dat Utscheiden vun Harn un ok vun'n
Sweet
-
un maakt dor dörch dat Bloot rein,
-
fördert dat Afhoosten vun Sliem.
Man
kann dat Kruut as Ümslag bruken orrer as Tee drinken. Vun den
Tee sull de Minsch nich to veel to sik nehmen un ok nich över
to lang Tiet, anners kann't Dörchfall bringen orrer de Minsch
mütt breken!
Stiefmütterchenkruut is in de Kloosterheilkunn as Mittel to'n
Reinmaken vun de Huut bruukt worrn, also to't Hemmen vun Ekzeme
un Entzündungen, ok gegen Akne kann dit Kruut helpen.
Tee vun Stiefmütterchen:
-
2 Teelöpel dröögt Stiefmütterchenkruut
-
mit 1 Tass hitt Water övergeten,
-
10 Minuten trecken laten,
-
afseihen.
-
Elkeen Dag dree Tassen dorvun drinken.
|
|
|
Ümslääg mit Stiefmütterchen:
- 2 Teelöpel dröögt Stiefmütterchenkruut
- mit 1 Tass hitt Water övergeten,
- 10 Minuten trecken laten,
![](naturbiller/tricolor_02.jpg)
- afseihen.
- In den Stiefmütterchensud en linnern Dook dükern
- un up de krank Huut leggen een bet tweemal an'n Dag.
Baden mit Stiefmütterchen
En goot Help bi de "Windeldermatitis" bi de lütten
Kinner:
- 2 - 3 Eetlöpel Stiefmütterchen
- mit 1 l kaken Water övergeten,
- 5 Minuten trecken laten,
- afseihen,
- in en lütte Wann (Babywann) geven,
- 15 Minuten bi ca 37° baden.
|
|