De Steviaplant
Stevia rebaudiana, Eupatonium rebaudiana; Familie Korbblütler/Asteraceae
To'n Anhören hier klicken:
Lesen deit Anke Nissen in holsteiner Platt.
|
Steviapflanze, Honigkraut, Süßblatt, Süßkraut,
"Sweet Herb of Paraguay"
|
Sammelt warrt:
|
Bläder
|
Wat da binn is:
|
üm
un bi 10 ünnerscheedlich Söötstoffen, vör
allen de Stoff Steviosid, de 300 Mal söter is as Zucker |
|
de dröögten Bläder as Mittel to'n Söten
|
Disse
Plant kümmt ut Paraguay in Südamerika. Se is also en Kruut
ut enen frömden Kulturkreis. Se bruukt hier den Nawies för
ehre gesundheitlich "Unbedenklichkeit". Un den hett Stevia
noch nich.
Blöden vun de Stevia. Bild: Ethel
Aardvark/Wikimedia Commons
In miene velen Krüderböker find ik kuum wat över Stevia.
Man ik vertell mal, wat Stevia bi sik to Huus för en Heilwirken
naseggt warrt. Se sall goot sien
- gegen hogen Blootdruck
- gegen Blootzucker
- gegen Karies
- gegen Verdauungs-Besweer
Vun de Wetenschaft nawiest is blots en positiv Wirken up den Blootdruck,
aver blots denn, wenn veel dorvun nahmen warrt un över lange
Tiet.
Ja un denn gellt Stevia bi sik to Huus as Mittel gegen dat
Fruchtbor-Sien vun de Mannslüüd, also as so en Oort Verhütungsmittel.
Verwennen as Söötmittel in Tee
Dat schöne Tee-Huus. Foto:
Anke Nissen. Klick up to'n Vergröttern!"
|
- De dröögten Stevia-Bläder warrt in en Tee-Kugel
(Tee-Ei, ik heff sogoor en Teehuus) orrer in'n Teebütel
füllt.
- Disse Kugel orrer Bütel warrt in den Tee swenkt.
|
Dit is so meen ik en heel ümständlich Oort,
sienen Tee sööt to maken. Dat geiht mit "Söötstoff",
den dat to köpen gifft, doch ornlich wat eenfacher.
Stevia. Bild: Anke Nissen. Klick up to'n Vergröttern!
|
Een kann de Stevia-Bläder aver wedder drögen laten un noch
mehrere Male to 'n Söötmaken bruken.
Kümmt een dat aver up de Heilkraft vun de Plant an, so warrt
de na dat eerste Mal fix wat weniger. Dat is jüst so as bi den
Grönen Tee.
Stevia. Bild: Anke Nissen. Klick up to'n Vergröttern!
|
Worüm vertell ik nu vun disse exotisch Plant?
En Fründin hett sik en Stevia-Plant köfft. Se weer heel
begeistert un ik sull nu glieks en Blatt dorvun plücken un in'n
Mund steken. Dat is för mi slimm. Wenn ik de Plant nich kenn,
denn riev ik wohl mal en Blatt mank de Finger, ik rüük dor
an man in'n Mund steken...
In de Twischentiet weet ik nu, dat de toxisch Wirken vun Stevia blots
lütt is. Man as ik al seggt heff, in Europa is Stevia
nich tolaten, nich as Levensmittel un ok nich as Mittel to 'n Söötmaken.
Noch nich tolaten. Kann ja noch kamen.
|