Dat Kruut för'n Sneemaand: Safran vun Anke Nissen Crocus sativus Familie Iridaceae = Schwertliliengewächse |
|
||
Anner Namen: |
Crocus, Herbstkrokus, Herbstsafran, Safrankrokus, Gewürzsafran, Saffernblume, Saffrich |
||
Sammelt warrt:
|
Stigmata Croci |
||
Wat da binn is:
|
Farvstoff: Safrangeel (Crocin), dorto ätherisch Öl un Safranbitter | ||
Warrt bruukt:
|
To'n Farven vun Backwark, Deegwaren, Soßen, Kääs,
Botter. Fröher weer Safran en heel wichtig Farvdroge, hüüt
warrt disse Droge bi vele Saken dörch de Anilin-Farven ersett. |
||
So warrt't anwennt: |
Bi de Anwenden bruuk ik ditmal blot up uns oll Kinnergedicht henwiesen: "Backe, backe Koken, de Bäcker, de hett ropen..." | ||
|
|||
Platt: Ludgerd Lüske Safran is dat düürst Gewürz up de Welt. Für 1
kg dröögten Safran warrt 60-80 000 Blöden bruukt, bi
männich Sorten sogoor 150 000. Mi fallt dat richtig swoor, mi
so vele Blöden vörtostellen. Also heff ik mal överlegg:
De Naam "Safran" kümmt wohl vun dat arabisch Wort
"Zaferán", un dat bedüüdt "Geel".
Un geel farven kann Safran goot. De Künstler vun de ollen Römer
bruken dat, un buddhistisch Mönke hebbt dor ehre Gewänner
mit infaarvt. |
|||
|
|||
Tohuus
is de Safran in Kleinasien, Vorderasien un Griechenland. Een kann Crocus sativus goot vun de Herbstzeitlose (Colchicum autumnale), de ok in'n Harvst blöht, goot ünnerscheiden: De Krokus hett dree Blödenstoff-Fadens, de Herbstzeitlose söß. Echten Safran besteiht also ut de Narben vun Crocus sativus. Ganz
besünners godet, utsöcht Safran "Crocus electus"
süht düüster-orangeroot bet bruunroot ut. De wat heller dröögten Griffel vun'n Crocus sativus warrt
"Feminell" nöömt. |
|||
|
|||
Safran
rükt kräftig , würzig, beten wat sööt un
beten wat benusselnd. De düür Safran is de Droge, de an'n mehrsten verfälscht
warrt. So warrt as Bispill geern Ringelblomen (Calendula officinalis)
ünner Safran mischt, ok de roden Blöden vun de Färbedistel
(Carthamus tinctorius = Saflorblöden), ja sogoor pökelt
un dröögt Fleeschfasern. Bi't Inweken in Water nehmt aver
all Bimischungen un ok de Safran ehre natürlich Utsehen wedder
an un laat sik so licht vun 'nanner ünnerscheiden. Över Safran warrt ok in de Bibel schreven. Dorüm kann een den Harvstkrokus ok in enen Bibelgoorn finnen. In vele düütsche Översetten vun de Bibel warrt dat hebräisch Wort "karkom" mit "Safran" översett. Safran gell in "biblische" Tieden as so wertvull, dat man dor sien Allerleevst mit vergleken hett. In't Hoheleed Salomo 4, 13-14 schrifft he över siene Leevste: "Du büst wussen as en Lustgoorn vun Granatappeln mit feine Früchte, de heel goot smeckt Zyperblomen (= Henna) mit Narden un Safran, Kalmus un Zimt..." Mit "Narden" sünd dorbi Duftblomen meent, so as Baldrian, Lavendel, Echte Narde (Nardostachys jatamannsi) un Nardenbartgras (Andropogon Nardus). |
|||
|
|||
Ik
denk, dat Krokusse also unse normalen Krokusse in gor
keen Goorn fehlen dörvt. Wokeen sull uns anners wiesen, dat Fröhjohr
is? Mien Grootmudder sä: "Dat Krokusvolk is ut de Eerd krapen",
wenn 't sowiet weer. Ik aver bin natürlich an 't Söken na Zibbeln vun Crocus Sativus, den echten Safran. Ik stell mi vör, ik gah blots mal even in unsen Goorn un zupf ut en Krokusblööd drei röötlich Blödennarben rut un denn kann ik al enen prächtig güllengeel Ries to Meddag up 'n Disch setten orrer enen lecker Safran-Pannkoken. Wieldess de Rasen Krokus driggt, Riemel: Marlou Lessing |
|||
27.12.2009 |