Dat Kruut för'n Hornung: vun Anke Nissen Urtica dioica (grote Nettel) un Urtica urens (lütte Nettel) - Familie Urticaciae |
![]() |
|
Anner Naams:
|
Brennessel, Donnernettel (Donnernessel), Eselskruut (Esselkraut), Gänsenessel, Goosnettel, Habernessel, Hanfnettel (Hanfnessel), Nettel, Saunessel, Senznettel (Senznessel) |
![]() |
Sammelt warrt:
|
dat Kruut, orrer blots de Bläder, ehrdat de Nettel blöht. | |
Warrt bruukt:
|
drifft dat Water ut de Blaas; |
|
So warrt't anwennt:
|
1 Teelöpel dröögt Kruut mit 1/5 l kaken Water övergeten, 10 Minuten trecken laten, langsam drinken. |
|
![]() |
![]() ![]() |
|
![]() |
De Brennettel
kannst' ok in'n Düüstern kennen: Wenn du ehr anfaten deist,
denn brennt se di. Dor hett se ok ehren Namen vun. Dat latiensch Wort
"urere" bedüüdt brennen ("...sik in de Netteln
setten").
Wiel de Brennettel dat Water utdrifft, is se goot to bruken in'n Fröhjohrstee. Se maakt dat Bloot rein, kann helpen bi: Gicht, Rheumatismus, Watersucht, Huut-Utslag. In en olt "Kreutterbook" vun 1543 (vun Leonhart Fuchsen)
heff ik wunnerlich Rezepten funnen:
|
|
![]() ![]() |
||
Wi kennt woll all dat Märken "De söben Raaven".
Dor maakt de Swester för ehre söben Bröder söben
Hemden ut de Fasern vun de Netteln. Dordörch warrt de böös
Töver vun de Bröder nahmen.
Mien Grootvadder harr mit Rheuma to doon. Dorüm harr he jümmers en poor Bienenvölker. Man he hett mi vertellt, een kann sik ok mit Brennettel-Telgen düchtig up de Huut hauen, dordörch kümmt de Ameisensäure ut de Nettel in de Huut, un disse Säure helpt gegen Rheuma. Wenn een bi sien Doon keen Erfolg hatt harr, denn sä mien Oma:
Un wenn se meen, dat kloke Lüüd ok Fehler maken köönt, denn sä se:
Un wi Kinner, wi süngen:
Ik kann mi ok erinnern, dat in mien Kinnertiet de Spitzen vun de Brennettelbleder hackt wörrn un denn mit kaakte, hackte Eier mengeleert. Dormit wörrn de Küken fodert. |
![]() ![]() |
|
![]() |
![]() ![]() |
|
|
Uns' Fründ
Herbert, de hett enen Goorn un dor fix mit Blattlüüs un anner
Un-Tüüchs to doon. Dor is he enen Dag bigahn un hett Brennetteln
plückt, vele Brennetteln. De hett he mit Water övergaten un
denn stahn laten. Dat schull nastens ene feine Bröh gegen de Lüüs
geven. Wat dat hulpen hett, weet ik nich, man disse Brennettel-Jauche
hett so dull stunken, dat ik verstahn harr, wenn ok de Lüüs
dorvör utneiht weern. ![]() Dat gifft Lüüd, de eet geern Brennettelgemüüs. Een schull dor blots de jungen Spitzen vun de Nettel plücken. Kaakt warrt dat jüst so as Spinat. Un dat gifft ok Lüüd, de eet geern Brennettelsupp. |
|
Uns' Fründin Ursel, de höllt veel vun dit Eten. Hier
is ehr Rezept
Dat seggt uns' Fründin Ursel. Mi smeckt de Supp
nich. |
![]() |
|
![]() |
![]() ![]() |
|
|
"Gröön - geel" Junge Brennettel-Bleder goot waschen, kort upkaken, afgeten un mit 'n Pürierstab lütt maken. Dissen Brennettel-Brie mit Kartüffel-Brie mengeleern un mit
reven Muskatnuß un Solt afsmecken. Allens in ene Uploop-Form geven.
Kort in'n Aven överbacken. Un to dissen "Grönen" Kartüffel-Brie warrt geel "Rührei" serviert. Fardig is "Gröön-Geel"! |
|
![]() ![]() |
||
![]() |
![]() Un so sünd wi to dat Nettelblatt in uns' Landeswappen kamen. |
|
![]() ![]() |