Bertram
Anacylcus pyrethrum
Familie: Korbblütler/Asteraceae
vun Anke Nissen
Anner Namen:
|
Geiferwurz, Magdblum, Speichelwurz |
Bruukt warrt:
|
de Wörtel |
Sammeltiet:
|
Harvst |
Warrt bruukt:
|
as Pulver, as Tee, in Tinktur un in Salven |
Betram stammt ut dat Mittelmeergebiet, Arabien un den Kaukasus. Hier
bi uns mütt he anplant, anbuut warrn.
Bertram is ähnlich as Kamille, smeckt aver bannig scharp. De
Stengel wasst geern en Stück an de Erd henlang, bevör se
na baben wasst. Elkeen Stengel driggt een Blööd mit en geel
Körbchen un witte Blöden, se erinnert beten an lütte
Margariten. De Bläder sünd inkervt.
Fröher hebbt de Lüüd sik Bertramtinktur herstellt
un de denn för alle möglichen Besweern bruukt, as Bispill:
- bi Zungenlähmung, bi Tähnweh, bi Dröögsien
in'n Mund,
- gegen Slaganfall,
- bi Probleme mit 't Verdauen un bi Verstopfung,
- gegen swacke Nerven,
- gegen Ischias
Bertramtinktur
- 75g Bertramwörtel warrt mit 3/4 Liter Branntwien ansett
- 14 Daag an enen warmen Platz stahn laten.
Warrt to veel Bertram innahmen, denn warrt dat för den Minschen
eklig, he kriggt Dörchfall, Erbreken, Brennen in'n Maag un Buukpien.
Ik
sülven kenn Bertram nich. Man in dat "Kreutterbuch"
vun Leonhart Fuchs (ut dat Johr 1543) heff ik em funnen. Dorna liggt
de Heilwirken vun Bertram in de Wörtel. Leonhart Fuchs schrifft:
"Bertram is ein Kraut das hat Bletter wie der Fenchel.
Seine Blümen sind gestirnt, weiß / geel,
wie an der Chamillen.
dass der Apfel ist inwendig geel
und ringstumbher mit weißen Blettlin gezieret.
Nach Abfallung der weißen Blettlin bringt er seinen Samen.
Die Wurtzel ist daumensdick, lang,
und eines scharpffen und rässen Geschmacks.
Bertram wechst nit allenthalben von ihm selbst im Teutschen Land.
Bertram blühet fast den gantzen Sommer."
Fenchel
Platt:
Bertram is ein Kruut, hett Blöre as'n Fenkel.
Dei Blaumen doran sünd sternt, witt-gäl.
Up Kammillenoart is dei Middelkopp binnen gäl,
un ümmetau mit witte Blättkes teiert.
Nao'n Affall van dei witten Blättkes
bring dei siene Saot.
Dei Wuddel is'ne Dumendickte lang
Un schmecket scharp un rietig.
Bertram bleiht bold dör dei heele Sommertied.
Plattdüütsch vun Ludgerd Lüske
As Riemel:
Bertram is ein Kruut,
sien Blatt süht as bi'n Fenkel ut,
mit sternte Blaumen, witt-gäl farvet
den gälen Kopp van Kamillen arvet,
rundümm' sittet witte Blättkes,
ligg fiene Saot up dei Pättkes
lööt dei Kopp dei Blättkes fallen,
aohne lutet Knallen.
Van dei Wuddel, Dumendickte lang,
werd scharp un rietig Tungen bang.
Bertram bleiht wiet un siet
dör dei heele Sommertied.
Ludgerd Lüske
Hillig Hildegard. Teknen: Jutta Bredow.
In Farv bröcht: Ludgerd Lüske
|
Gegen Gicht empfiehlt Hillig Hildegard:
- Bertram
- Fenchel
- Gewürznelken
- Petersilie
- Salbei
- Tausendgüldenkraut
- Thymian
- Weinraute
- Wermut
Hillig Hildegard meent, för enen gesunden Minschen is dat goot,
wenn he Bertram eten deit. Wi sullen Bertram över 't Eten streuen
orrer glieks bi 't Kaken mit in'n Pott kriegen, "denn Bertram
minnert de Fäulnis innen binnen in 'n Minschen".
In männich Gegend warrt to Baldrian "Bertram" seggt
un annerswo warrt to Estragon "Bertram" seggt. Hillig Hildegard
meent aver doch wohl de Bertramwörtel, de Leonhart Fuchs beschreven
hett.
Hillig Hildegard schrifft:
"Bertram minnert de Fäulnis in'n Körper,
mehrt dat gode Bloot
un maakt enen kloren Verstand in'n Minschen.
Man ok swake Lüüd bringt he wedder to Kräften.
Un in'n Minschen schickt he nix unverdaut wedder rut,
nee, he maakt, dat allens goot verdaut."
Un
se schrifft, dat Bertram in'n Mund Feuchtigkeit un Speichel anlockt:
"Bertram bringt slechte Säfte rut ut den Minschen
un gifft Gesundheit trüch. För enen gesunden Minschen
is Bertram goot to'n eten, wiel he de Fäulnis in em minnert
un dat gode Bloot mehrt un enen klor Verstand maakt. Man ok enen
Minschen ahn Kraft, den binah al de Körper versaagt, bringt
Bertram wedder to Kräften, un Bertram duldet nich, dat wat
unverdaut ut den Magen rut geiht, nee, he maakt , dat allens goot
verdaut warrt."
Rezept vun Hillig Hildegard gegen Lungenbesweer:
- Man kaakt Wachholderbeeren,
- tweemal soveel Wullblomen
- un veermal soveel Bertram in goden reinen Wien,
- lett dit denn in enen Pott un gifft rohen, in Stücke sneden
Alant dorto,
- toletzt allens filtriern.
Dit Getränk warrt twee orrer dree Weken lang nüchtern innahmen
un ok achter de Mahltiet, bet man gesund is.
|