Dat Kruut för'n Hornung:

Ackerschachtelhalm

vun Anke Nissen

Equisetum arvense — Familie Equisetaceae = Schafheugewächse = Schachtelhalmgewächse

 

 

Anner Namen:

Ackerschaftheu, Ackertännchen, Ackermännchen, Bandwisch, Fegkraut; Kandelwisch, Kannenkraut, Kantenkraut, Katzenrocken, Katzenschwanz, Katzenstiel, Katzenwedel, Katzenzagel, Katzenzahl, Pferdeschwanz, Reibisch, Rossschwanz, Rosswedel, Ruug, Rugen, Schabrausch, Schachlelhalm, Schachtelheu, Schäfzenheu, Schafrusch, Schafteheu, Schaftheu, Schafheu, Schafstroh, Schaftelen, Schaffthew, Schnagt, Scheuergras, Scheuerkraut, Zinngras; Zinnheu, Zinnkraut, Unnet, Unger.
Plattdüütsch Namen: Hollkruut, Kattensteert, Katzensteert, Kannenkruut, Feegkruut, Lütten Schachtelhalm, Negenknee, Ruuchsteert, Rugsteert, Schaaprisch, Schaapruusch, Schüürgras, Tinnkruut, Zinnkruut.
(altohoop 54 Namen)
Sammelt warrt:

Triebe, vun'n Mai bet Juli

Warrt bruukt:
  • Drifft Water ut de Blaas rut, maakt dat Lungengewebe faster.
  • För buten: to'n Baden, gegen Rheuma
  • To'n Schüürn vun Tinn.
  • In Nieren-, Blasen- un Rheuma-Tees
  • Maakt dat Gewebe fast; treckt tosamen, stillt dat Bloot; desinfizeert, hemmt Fäulnis.
So warrt't anwennt:
  • 1 Eetlöpel dröögt Ackerschachtelhalmkruut
  • mit ¼ l Water övergeten
  • un 5 Minuten lang kaken,
  • dorna 10 bet 15 Minuten trecken laten.
  • Över'n Dag verdeelt 3 Tassen Tee drinken un jümmers dorna en Glas Water drinken!

Disse Plant schull nich verwesselt warrn mit den Groten Schachtelhalm (Equisetum Telmateja un Equisetum hiemale). De Groot Schachtelhalm kann bet 80 cm hooch warrn. He föhlt sik ruuch an. Dat kümmt von de Kieselsäure. He is nich as Heilkruut to bruken, blots to'n Sliepen vun Holt un Metall.

Dat gifft ca 32 verschieden Schachtelhalm-Oorten. As Heilplant is de Ackerschachtelhalm de wichtigst. För dat arzneilich Bruken warrt de Plant vör allen ut China inföhrt.

Ackerschachtelhalm hett enen swarten, schnuurförmigen Wörtelstock. Vun den gaht vele Sprossen na baben.
Wi seht dat Kruut meist as "Un-Kruut" an, dat heel swoor uttorotten is (höört to de Gefäßsporen-Planten). Wi findt dat Kruut överall up sandig un lehmig Äcker, up natte Wischen, an Böschungen un Bahndämme.

De latiensch Naam Equisetum sett sik tosamen ut equus = Peerd un seta orrer saeta = Hoor, Borste. Dorto passen denn de Namen: Pferdeschwanz, Rossschwanz, Rosswedel...

Al in de Antike is Ackerschachtelhalm as Mittel to'n Blootstillen bruukt worrn.

De Naam Equisetum dükert to'n eersten mal bi Plinius up. He weer de Meen, dat de Kraft vun disse Plant so groot weer, dat se al Bloot stillen kunn, wenn de Minsch de Plant blots in de Hand höll.
Ackerschachtelhalm gell as Nieren- un Blasenmittel.
Man hett glöövt, de Ackerschachtelhalm "härtet" Wunden wedder tosamen.

Leonhart Fuchs schrifft in sien"Kreutterbuch" 1543:

"Der außgetruckt safft von Schaffthew in die nasen gethon /
oder angestrichen /
stillet das schweyssen aus der nasen. ——
Das Kraut zerstossen /
oder gepulvert und ingestrewt /
heylet allerley grosse und frische Wunden ——
Das Kraut mitsampt der wurzel /
ist gut denen so husten /
und schwärlich Athem haben ——
Das Kraut in wasser oder wein gesotten unnd getruncken /
bekompt wol denen so blut speien /
den frawen so zu sehr fliessen."

In de Leipziger Drogenkunde steiht över Ackerschachtelhalm orrer Pferdeschwanz:

"...und deswegen schließt und härtet die Pflanze zusammen die üblen Wunden und ist für diejenigen geeignet, die Blut speien,
und stillt den Fluß des Menstruationsblutes..."

Hildegard von Bingen meent, Ackerschachtelhalm is as Heilkruut nich to bruken.

Kneip schrifft, dat en Tee vun dit Kruut

  • den Harn rutdrifft,
  • Smarten vun de Blaas lindern kann
  • un helpen kann gegen Bloot speien un Lungenlieden.

He is de Meen, dat besünners de Dämpfe vun't Zinnkruut gode Help bringt.

In en Märken över den Ackerschachtelhalm warrt vertellt, dat ganz ünnen an de ünnerst Wörteln güllen Kieselsteen hangt. De Minsch, de disse Kiesel an enen bestimmten Dag, in en bestimmt Nacht utgraavt, för den Minschen is groot Riekdom wiß, as to'n Bispill ene gode Oorn.

In'n Huushalt is Schachtelhalm orrer Zinnkruut veel bruukt worrn. De Plant hett veel Kieselsäure in sik, dorüm is se goot to bruken to'n Poleern vun Zinn-Geschirr, Beker, Vasen, Teller . . .

Hüüt warrt Ackerschachtelhalm nich mehr veel as Heilkruut bruukt.
Anerkannt is dat binnerlich Anwennen vun Ackerschachtelhalmkruut

  • to'n Dörchspölen bi bakteriell un entzündt Kranksien vun de Harnweeg
  • un to'n Utswemmen vun Ödeme, as Bispill in de Been
  • un to'n Helpen gegen Nierengrieß un Gichtattacken.

Vun buten kann dit Kruut mit helpen bi't Behanneln vun slecht heilen Wunden:

  • 10 Teelöpel pulvert Ackerschachtelhalmkruut
  • mit 1 Liter kaken Water övergeten
  • 30 Minuten licht kaken laten
  • afseihen.
  • Steril Verbandsmull in dissen Sud dükern un as Ümslag upleggen.

To'n Baden sull man 200 g Ackerschachtelhalmkruut för een Bad nehmen.

Uns Dochter hett Tinnkruut-Tee jümmers in't Huus. Se drinkt em geern. Se köfft em in de Aptheek orrer in't Reformhuus. Se meent, dat Drinken vun dissen Tee is goot för ehr Bindegewebe, goot för ehre Been överhaupt.
Se und uns Enkeldeern drinkt den Tee, wenn se Krämpfe in'n Buuk hebbt, as Help bi de monatlich Menstruation.
Alle beid baadt geern in Tinnkruut, eenmal rüükt dat fein, is heel angenehm un deit Körper un Seel goot. Ok Baadtinktur kann een in Aptheken un Reformhüüs köpen.

Ackerschachtelhalm-Diät

Bi en Geburtsdagskaffee harr ene junge Fru enen Ordner mitbröcht, in den ik en Gedicht över unsen Ackerschachtelhalm funnen heff. Leider weet ik nich, wokeen de Autor is. In't Plattdüütsch bröcht hett den Text Ludgerd Lüske. Dank wees em dorför!

Zinnkraut

Ich zähl zu "Ackerschachtelhalm"
und werde Zinnkraut meist genannt
und oft als Unkraut auch bezeichnet
vom Laien, dem ich unbekannt.

Ich helf' als Tee dem schwachen Magen,
stärk seine Wände, säubre ihn;
nehm Gries und Steinleiden die Schmerzen
und treib gelinde den Urin.

Ich stille auch leichte Blutungen
und Blutbrechen in kurzer Zeit.
Drum halte man in jedem Hause
genügend Zinnkraut stets bereit!

Sehr wertvoll sind auch Zinnkrausdämpfe
bei Harnbeschwerden, Blasenkrampf,
doch sei bei mäßiger Verwendung
ja nicht zu heiß Gefäß und Dampf.

Der "weise Kneip" und beste Ärzte,
sie schätzen alle mich mit Recht.
Ich bin ja billig, wirke sicher
und schmeck mit Minze gar nicht schlecht.

Man nennt mich "erstrangiges Pflänzchen",
weil ich so mineralienreich;
mit 70 % Kieselsäure
kein Kräutlein kommt mir hierin gleich.

Alltäglich nur 1 Gramm verjünget;
Die Müd- und Mattigkeit vergeht:
Die Sinnesorgane werden stärker
Bei zweckentsprechender Diät.

Tinnkruut

Ik warr tau't Hollkruut räket
un tau'n Tinnputz bruket,
stah as Unkruut up dat Land,
bi'n Amateur bün'k nich bekannt.

Ik help as Tee den schwacken Magen,
maak em rein un stark, bet na baben,
nehm weg Gries, Steen un Pien
un driev sachte den Urin.

Ik still ok lüttke Blöderei;
vun Blootspien bis du fortsen frei.
So legg tau Huuse praat
Hollkruut in dat passen Maat.

De Hollkruutdamp geiht däget ran
bi Harnbeschweer un Blasenramm,
un laat blots bi't Applizeern
Pott un Damp nich tau heit warrn.

Beste Dokters un dei wiese Kneip
wüssen, ahne mi güng et leip.
Ik bün nich düür un goot tau bruken,
mit Pepermint kanns mi woll sluken.

Man nöömt mi "dat üpste Pläntken",
maok riek an Mineraol dat Kännken,
bün kieselsuur, mit 70 van Hunnert,
ein Krüütken, dat jedeen bewunnert.

Dages blots 1 Gramm maket jung,
kum'ps ahne Meuhigkeit in Swung:
Stark warrt Föhlen, Sehn un Höörn —
up de pass ansett Diät kanns swöörn.

Översetten in de oginaal südollenborger Fasson: hier!


na baven