van Ludgerd Lüske Dei grote güllene Hööfdspeegel, dat "Draokenoge", is meistto ein Wohrteiken vun James Webb worrn. Annerletzt kunnst lesen, dat dei Speegel vun ein lierlütten Meteoriten draopen woor. Hett em aover nix daon. Wi kiekt em maol wat nähger an.
Dei Upbau Dei Empfindlichkeit van ein Teleskop, off wo väle Einkel-Deile et "seihn" kann, hang direkt aff van dei Speegel-Flach-Grötte, dei dat Lecht van dei anpielten Objekte upnähmt. Je grötter dei Speegel, desto lüttere Saken kann hei opteiknen. Disse Hauptspeegel vun't "Draokenoge" hätt einen Dörmäter van 6,5 m. Ein Speegel mit disse Grötte wörd vörher noch nienich in den Weltruum schaoten.
Äöwersicht Draokenoge (DO) schall dör dei Tied trügge kieken, as dei
Galaxien noch jung wörn. Draokenoge pielt Galaxien an, dei orig
wiet weg sünd, äöwer 13 Milliarden Lechtjohre van us
weg. För so wiet weg liggen un schwacke Objekte bruukt DO einen
grooten Speegel. Dei Empfindlichkeit van ein Teleskop, off wo väle
Einkel-Deile et "seihn" kann, hang direkt aff van dei Speegel-Flach-Grötte,
dei dat Lecht van dei anpielten Objekte upnähmt. Ein gröttern
Speegel faotet mehr Lecht, jüst so as ein grooten Emmer mehr
Waoter in ein Rägenschuur upnähmen kann as ein lüttken.
Technischket Rutföddern Dei Forschkers un Ingenieure van dat Webb-Teleskop markden, dat ein
Hauptspeegel van 6,5 m Dörmäter nödig wörd, för
dat Mäten van dat Lecht van dei wiet weg liggen Galaxien . Dat
Bawen van so einen grooten Speegel is ein Rutföddern, sogor för
den Insatz up dei Ern. Ein Speegel mit disse Grötte wörd
vörher noch nich in den Weltruum schaoten. Wenn man den 2,4 Meter-Speegel
van dat Hubble-Weltruum-Teleskop so vergröttern dö, dat
dei pass groot wörd för DO, wörd dei tau schwor för
den Start in den Erd-Ümmloop. So möß dei Draokenoge-Mannschkup
den Speegel so Upbawen, dat dei licht naug is blots ein Teihntel
van dei Masse van den Hubble-Speegel up einen Flachandeil un doch
mit eine orig starke Optik. Dei DO-Teleskop-Mannschkup harr dei Idee
för den Segment-Speegel-Upbau ut Beryllium, So werd dei 18-Segment-Speegel
licht un optischk stark. Ein bold mannsgrootet Segment wägg bold
20 Kilogramm.
Klappspeegel Dei DO-Teleskop-Mannschkup har einen Klappdischk as Vörbild för den Speegelupbau. So klappt man den dreideiligen Speegel so tausaome, dat hei in den Raketenkopp passt. Wenn dei Sonde in den Weltruum ankaomen is, klappt disse Speegel wedder uteinanner. Jedet van dei 18 seßeckigen Speegeldeile hätt einen Dörmäter van 1,32 m van Kante tau Kante. Dei Fangspeegel van DO hätt einen Dörmäter van 0,74 m.
Dat DO-Teleskop werd in düt Bild hier mit ein van siene beiden "Flünke" wegklappt wiest. Up jeden Flunk sünd drei van siene Hauptspeegeldeile. Wenn DO startet, werd beide Flünke in disse Laoge klappt, so passt dei groote Speegel in dei Drägerrakete. Worümme mit seß Ecken? Mit dei seßeckigen Speegeldeile kann man bold einen grooten Segment-Speegel in Kring-Form mit einen "hogen Füllfaktor mit eine seßer Symmetrie" aohne freie Stäen tausaomebawen. (Dat weiten al dei Immen.) Eine Kring-Form för den grooten Speegel bruukt man för eine passen Projektion up dei Detektoren. Bi einen ovaolen Speegel wörden dei Biller in eine Richtung langtrocken. Ein Quadraot-Speegel wörd dat meiste Lecht an dei Detektorenmidde vörbi leiten.
Nu is dei Speegel al utklappt un maoket sik praot för sienen Insatz. In dei taukaomen Wäken of hööchstens Maonde werd dei iersten Biller indrepen! Spannen Tieden. Hier giff et mehr: The Story of Webb | Flickr Originaol-Artikel: Webb/NASA |
21.6.2022 |