Biller van den DART-Upschlag

van Ludgerd Lüske

DART schlait up Dimorphos up, LICIAKas knipst. Bild-Daoten: Ludgerd Lüske

An'n 26.09.2022 schlög dei NASA-DART-Sonde nao 10 Maonde Fleigtied dör den Weltruum nau up Dimorphos up. As meddewiel naowiest is, hett dei Inschlag den Asteroiden düütlich ut sien Ümloopbaohn bröcht.

In dei leßten Momente vör den Upschlag van dei DART-Sonde kunn DART sülwes mit DRACO Biller van den Mini-Maond Dimorphos knipsen. Bi eine Upschlag-Geschwinnigkeit van bold 22500 km/h güng dat Ruumfohrtüg orig in'n Dutt.

So käönt kiene Biller van DART sülwes mehr kaomen. As Hülpe wörd dei LICIAKas Mini-Sonde 15 Daoge vör den Upschlag van dei DART-Sonde utsettet. Dei Mission van van LICIAKas, wörd van dat italiönschke Ruumfohrtamt bistüert un schull Biller van den Upschlag van DART mit dei wegfleigen Materiaol-Wulke maoken. Dat Äöwerdrägen van dei Biller van dei Minisonde duurde dütlick länger as bi DART.

Dei neegsten Biller sünd upnaohmen van LICIAKas ein poor Minuten nao dei vörseihn Kollision van dei NASA-DART-Sonde an'n 26. September 2022. Dimorphos is dat Objekt achtern.

Bild-Daoten: NASA

Bild-Daoten: NASA

Twei groote NASA-Obervatorien — Draokenooge un dat Hubble Weltruum-Teleskop — möken gliektiedich Upnaohmen van dit besünnere NASA-Experiment. Echt historisch!

Dat Bild hier nerrn wiest dei Upnaohmen van Hubble un Webb-Draokenoge. In dat lünke Bild kannst erkennen: Et giff einen lechten Näwel üm den Punkt, dei dat Didymos-Dimorphos-System is, tausaome mit fief Bögespitzen.

Bild-Daten: stsci-opo. Klick up tau'n Vergröttern!

In dat rechte Bild sühst: Dei Punkt, dei dat Didymos-Dimorphos-System is, hätt acht Bögespitzen, dei sick van dei Midde weg reckt. Üm den Asteroid ligg uck ein Näwel, dei lecht un fienstriepich nao buuten gaiht.
Baoben up dei rechte Siete sünd Piele, dei wiest dei Upschlag-Richtung van dei DART-Sonde an.
Neern, rechts sünd dei Kompass-Piele, dei dat Bild-Utrichten an'n Häwen anwiest.
Baoben lünks in jedet Bild sünd dei Filter-Angaoben för dat Upnähmen. För Hubble is F350LP blaw, för Draokenooge is F070W rot.

Bild-Daoten: stsci-opo. Klick up tau'n Vergröttern!

Disse Biller baoven mök dat NASA-Hubble Weltruum-Teleskop 22 Minuten, 5 Stünnen un 8,2 Stünnen nao den vörseihn DART-Upschlag up Dimorphos. Dei wiest uteinannerstuuwen Materiaolfaohnen van den Asteroidbodden.

Disse Hubble-Biller wiest upstiegen Upschlagmateriaol, dat man as Straohlen süht, dei van den Asteroid affgaoht. Dei gröttere, updeilte Spitze van dat rutschmäten Materiaol lünks van den Asteroid ligg in dei Richtung, ut dei DART ranflög. In disse Hubble-Biller seiht dei Astronomen mit Pläseier, dat dat Didymos-System nao den Upschlag drei maol lechter schinnt. Besünners andaon sünd dei dorvan, dat uck noch acht Stünnen nao den Upschlag disse lechte Schien konstant bleef.

Süh uck hier: Hubble-Ansichten von Dimorphos Ejecta (hubblesite.org) un
First Images from Italian Space Agency's LICIACube Satellite | NASA