
De Nawuss is ok al dor!
|
De Aadebor is wedder dor!
vun Antje Heßler
Se köönt de Fotos per
Klick vergröttern. Trüch kaamt Se denn mit den Zurück-Knoop
op de Browser-Symboolliest.
Dütt
Johr is up dat Storkennest in Warnsdörp wedder de Aadbor ankamen.
Un he hett glieks sien Fru mitbröcht. Wat hebbt wi uns freut.
De beiden sünd fix dorbi, ehr Nest uttobetern.



Afwesselnd kaamt se mit lütte Stöck un leggt
de in dat Nest un up de Kant. Dat is en Kamen un Gahn! Denn sett sik
de Fru mal up dat Nest un probeert, up allens richtig liggt. Se kuschelt
sik richtig in dat Nest.
Dat süht so ut, as wenn se bald ehr Eier leggt.

Dor fehlt noch beten Material, een mutt nocheens
los!

Letzte Inspekschoon: Allens okay!

Hach, wo leeftallig se mit'nanner sünd!
Letzt Johr weer de Aadbor al an veerten März ankamen. Dat weer
ganz eenfach to fröh. De Winter keem nochmal mit grote Küll
un veel Snee torüch. De ganze Vagelwelt hett leden. Se kunnen
keen Foder finnen. De Aadbor hett dorüm dat Wiede söcht
un keem ok in Sommer nich wedder na Warnsdörp. Wi hebbt ümmer
wedder na em utkeken. Dat Nest aver bleev lerrig, Unkruut möök
sik in dat Nest breet. Keen Aadbor weer to sehn.

Glieks gifft dat Storken-Sex

Dor is dat Resultat!

Dat Resultat mutt fodert warrn. Baven links:
Anner Toogvagels treckt noch övern Heven!
De Öllern op Fodersöök
|
2012 hebbt wi de jungen Aadbors in Warnsdörp ranwassen sehn.
Ok dor hebbt de Öllern toeerst dat Nest utbetert. Un denn hebbt
de beiden Hochtiet fiert! Dorna kunn dat mit dat Eierleggen losgahn.
Bi dat Utbröden hebbt Vadder un Modder sik afwesselt. Na 25 bit
38 Daag kropen de Lütten ut ehr Ei. Denn duur dat gor nich lang
un se keken över den Nestrand. Dat weer ümmer en grootoordigen
Anblick, wenn ener vun de beiden de Flünken utbreedt un dorvun
segel. Ik heff lang luern müsst, bit ik mal en Bild dorvun maken
kunn.

Schritt een: Flünken utprobeern...

Schritt twee: Flünken ganz groot maken!

Schritt dree: Afheven!
Un Tschüß!
|
Na 50 bit 100 Daag sünd de jungen Aadbors flügge. Selten
bün ik so oft na Warnsdörp föhrt. Aver ik harr Glück.
Toeerst heff ik blots bi dat eerst Flünkenslagen tokeken. Se
hopsen wat in de Luft, lannen aver ümmer wedder up den Nestrand.
Denn aver an enen Dag kreeg ik sogor den Start mit. Wat de Lütten
wull stolt weern, as se wi ehr Öllern sik in de Luft afheben
kunnen.
Villicht heff ik dütt Johr wedder Glück un kann de lütten
Aadbors afflegen sehn!

20.4.2014
|