de tied is riep. de tied is dor.
an'n heven drauht dat weder swoor
dat koorn is allens, wat wi hefft ·
hooch steiht't, meist duckt sik dat gehöfft ·
du denkst, wat weert is un wat düür,
is seker —— doch de tied is hier.
un allens hangt nu in de lucht.
dat gifft je doch keen schuul noch flucht.
noch düsse aarn? un noch een aarn?
un dochen treckt üm uns de johrn
sik drang un dranger in en krink,
vun den wi weet, dat wi versinkt.
