Moor

Wannerers in'n swatten Wind; liesen swiestert dat dürre Rohr
in de Stillnis vun't Moor. An'n griesen Heven
en Toog vun wille Vagels treckt
dwars över düüster Water.

Oprohr. In en wracke Kaat
fluddert mit swatte Flüchten
de Fuulnis op;
kröpelhaftig Barkenbööm sücht in'n Wind.

Avend in'n verlaten Kroog. Langs den Nahuusweg weiht
de Swoormood vun grasen Veeh,
un in de Nacht
duukt de Poggüütz ut sülvern Water.

Na Georg Trakl;
Platt: Marlou Lessing

3.11.2021