Strandspazeergäng

Verse vun Ursula Gressmann, Biller vun Erwin Holldorf



Sünnünnergang. Klick op to'n Vergröttern!

wulkendrifft

unmaten
de witte strand
de kimme
en streek ohn enne
stuur aamt de see un
waterspöken süchten
sülvergleunig
krullt sük de slang
ut maanschien
to'n hemel anhoog
still is de nacht
sünner steerns
blot een öllüchtje
brannt sacht
in mien
dunkelachtig hart



Klick op to'n Vergröttern!

strandlooper

seedraken snuven
un wellen eien
de waterkant
sünner rüst
flegen de möven
in blauachtig köhligheit
hemel un see
vermangeleren sük
an de kimme
sand weiht
maak mien ogen blind
man en wunden streek
footstappen
laat ik torügg

 


Dagebüll Haven. Klick op to'n Vergröttern!

strandgood

wellen rullen
an de waterkant
en witte band
in d'griese sand
gemummel hör ik
vun mussels
un dwarslopers runen
tüsken knappertjes
barnsteen blinkert
as gold in't sünnschien
austernfischer gilpen un
lichtjes trippeln tüütjes
och kunn ik
doch hoch in de luchttreck
seilen as de sülvern möven

 


Steilküst an'e Oostsee. Klick op to'n Vergröttern!



Betöverte Haven. Klick op to'n Vergröttern!

drifft in't water

de see hett de sünn
achter feegt
köhl is de lucht un
sacht kummt de nacht
eensaam gah ik
as spöken luurt
dat torüggdenken
de liev offlergen
van'd padd offraken
dat will ik
lüttje wellen
slicken an mien footwark
un sömmersmaak
up de lippen
roop ik na di
man blot de weerhall
vun mien woorden
kummt torügg



Brandung. Klick op to'n Vergröttern!
 

bulgen

deepswart is de nacht
steerns verbleken as
utgahn keersen
dat grell gegier
vun een verdweelt möve
verweiht
enerwaars hen
nargends hen
eensam wanner ik
tegen de stöötwind
bit dat de bruus
witt lücht
un ik lüster
wat mi de wind vertellt


Klick op to'n Vergröttern!


10.2.2013

trüch


na baven


na't Flack

na de Startsiet