Bild: Ludgerd Lüske. Klick op to'n Vergröttern!

Van'n Himmel in dei Deipte daol,
ein Stern hollt dor sachte Wacht;
ut den Wold mit Dannenschaol,
rück et in den Winterwind hendaol
un kessenlecht schinnt dei Nacht.

Mien Harte is so froh veschrocken,
dat is dei leiwe Wiehnachtstied!
Van Wieden klinget Karkenklocken,
willt leiw mi in dei Heimat locken,
märkenstill un herrlich wiet.

Eine fraome Kraft sick up mi legg,
blief mit Bäen un mit Staunen staohn;
sachte fallt et dör dei Oogen weg,
ein gulden Kinnerdroom mi sägg:
einer hätt ein wohret Wunner daon.