De Spazeergänger
Gedanken över en Plastik vun Ernst Barlach

vun Hannelore Hinz

Tautruugen för den eigen Weg.
Hei weit em, man ümmer sinnig gradut.

Smüüstergrinig Dag
speigelt in sien Ogenpoor.

Hänn' up den Rügg'.
So schüfft hei breitbeint,
langtoegsch gegen den Wind,
bet in den Abend,
un Vagelsang em freut.

Väl Tied.
Mit sick räden, den ganzen Dag;
sien eigen Inkihr holl'n.

Stark is hei, ok för di;
wecker mit em geiht, kümmt an.

Hei weit üm sien Kraasch,
ok Fählers.

Fierabend.
Sien Insicht,
ein Lüchten nah buten.