Bodderblaum

Den Hoff hemm s' nu plaastert
mit Steinplatten
dicht bi dicht.
Doch quälen sik all dachlang
gräune Spitzen dörch 'ne Ritz.

Ut'n Bläderkranz
up griese Stein
krüppt nu 'ne Bodderblaum.
De Sünn gifft ehr ein Angesicht
so lüchten hell —
akkraat ehr Äbenbild.

Se möckt ut ehr 'ne Puusteblaum.
Ein' Drom in Witt,
haalt sik de Wind.

Bodderblaum
mit kahlen Kopp
kickt ehr Püüstings hinnerher
bit se lann'
in wäuhlig Eerd.