Över de Wettstriet von Schrieverslüüt
Poetry Slam op Platt in Büdelsdorf

vun Walter Cornils

En Poetry Slam op Platt, dor mutt se eerst up kaamen, de to besöken. Man Henwiesen stunn in min NordArt-Programmblatt, in en Newsletter un seker ok annerswo. Ick schull wull dorhen dragen warn, damit ick anbiet; un liek so keem dat denn.

Op en Poetry Slam in Hamborg: Slammer Claus Günther

Wieldat ich mi op de NordArt en Bild ansehn heff, kem dor en Minsch un vertellt mi wat vun en "Spokenwords Festival" achtern in de Hall bi de Kupolaven. Albig weer al door. So kreeg ich denn de Anspraak vun uns Ministerpräsi mit. En ganz grotes Ding weer dat hier, hett he seggt, un wenn sick dat erst mol rumsproken harr, kriggt de Lüüd dat mit Överfüllung to doon. Ick hörte mi noch de Vördrag vun en Wienersche an un bin gahn. Wer hüt doch wegen de Utstellung hier!

Wieldat ick mi törüchtrook, kreeg ick noch en Tipp to dat Spektakel inne Aco Thormannhall an'n tokamen 1. Oktober. Min Neschier krupt mi, un so sök ick rüm in't WWW. Dat weer binoh so opregend as min Sök na Warken, de sik op Gilgamesh sien Vertelln för de tokomen Minschen stütten.

Sowat as Poetry Slam geev dat al in de Antike. De hütige Art und Wies, wie dat afgeiht, keem in den 1980ern in Chicago, San Francisco un anneren Orts in Amerika op. Bi uns stohn de Nams Björn Högsdal un Stefan Schwarck ut Kiel achter düsse traditionelle Reeg vun Poertry Slams, de middewiel spokenwords.sh heet un sik över en ganze Reeg vun Wiederhelpern stütten kann. — Siet, ick meen 2010, gifft dat ok Poetry Slam op Platt. Toeerst in de Husumer Speicher, middewiel in anneren Locations un even in de Aco Thormannhalle.

Bi den Poetry Slam in Büdelsdorf. Foto Walter Cornils

NDR1 Welle Nord kunn sik över meist 400 Besökers freuen. De schullen nu klarmaken, wer de Winner is. So eenfach dörch ehren Bifall. Dat mööt erst inöövt warrn. Dorför harrn wi twee Moderatoren. Ging ok all good. Wi hörten korte Vertelln över Heiteres, Lästerliches, Besinnliches und Eernstes suutje bet to dramaatsch vertellt. Dor stunnen Könner vör uns un vertellten, wat se so beleevt un hört hebbt in Töövstuuv bi'n Dokter, Kroog un bi sik to Hus. Na twe Stunnen stunn de Winner fast. Dat weer Goorner Jan Ladiges ut Holm.

De NDR1-Rundfunksender ward Maandag, 10. Oktober, twischen Klock negen un tein an avend doröber berichten.

Tokomen Johr geiht dat wieder. Denn künn mol een över dat Moorden in Appelboom vertelln, so fri na Urs Wyss's "Mord im Apfelbaum". Dat ward wull en Graesen in de Natuur; heel ökologisch.