Morgen wedder
rut op ruuge See,
op un daal
danzt de Bööt,
elkeen höllt
nau sien Richt.

Moot un Will
hören to.
Storm vun vörn,
dat föddert.
Dat will
bestahn sien.

 

Wiedes Hart
un groote Seel
un Leev.
Denn faken
dröppst du
Frömde:
Willkamen!

Un all de Turen
mütt knütten sik
to'n schieres Nett,
dat du nich kennst,
wenn't rutgeiht
to de eerste Fohrt.

Nich bloots
vun hier na dor
föhrt Weeg.
To dien Loos
hörn all de Reisen
in dien Leven.

Ehr't di versühst
steihst du
an't Över.
Storm huult
nich mihr
in dien Ohren.

 

Bloots
denn nich't Roder
ut de Hand!
Bliev in de Plicht.
Teiken an'e Kimm!
Help düden!

Roop luud
"Storm! Storm!"
wenn't nöödig is.
Weck op de Släper!
Mell di to Woort!
Bidder nöödig

---

Biller un Wöör: Rudi Witzke

---

2.5.2002