Notizen ut'n Harvstmaand


de heven kümmt to roh
de bööm sünd still un hart
vun leven kribbelt al de grund
dat eenmaal kamen warrt

 

verwachten sünner enn
ahn grenzen, ahn beritt
wat kann ik, en lütt eiland, doon?
dat lengen swömmt mi mit

 

en padd dör hangen köpp
ümschaddt vun letzte warms
as tranen fallt in güllen grund
de neegste saat ehr karns


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet