Notizen ut'n Harvstmaand


tosamenstötten mit dat Unsichtbore

vullbremsung! un de wulk föhrt vör de wand.
terschellt, splitt op, an unsichtbore hand.
se kann nich wieder. jüst so güng dat mi,
jüst annerletzt. so hett dat utsehn, süh.

butenrüm!, sä de krumme! ik heff nich op em höört.
ik wull rin in den heven, den sin blaag to mi höört.
un noch in't terfasern griep ik dorna —
noch leev ik, man bald bün ik sachs nich mehr da...


mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet