Notizen ut'n Nevelmaand


dor, 'neem dat letzte loof verblöht,
warrt bald dat eerste kamen.
de pappeln laat den winter ut.
wenn all sik bedächtig
de eer towendt,
kettelt se alltied den himmel
üm niege gaven an.


du denkst nich, dat dat sowat gifft
un dat keen woort düt bild beschrifft —
man liekers gifft't dat ünnern maan,
en welt kiekt ut den droom di an,
sacht fallt de daak, dat möhlrad steiht
in tiedlose vullkamenheit,
keen fragen gifft't, keen twievel, und
dien leven, as de maan, is rund.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet