Notizen ut'n Maimaand

deep in't düüster fangt de amsel
to singen an. woans weet se,
dat se höört warrt? woans weet se,
dat de dag anbreken deit, de ehr recht gifft?

wieldat dat nich anners ween kann.
wieldat dat alltied so weer,
wieldat, wokeen singt, ok höört warrt.
dor sünd doch de töön, hell un kloor.

de lütte rundlich daam is twoors
vun holt un hett den kopp versteckt;
man jedeen weet, wat se uns seggt:
"ji spanners dor, kleit mi an'n moors!
ji sünd hier op'n holtweg! kusch!"
de rest is rhododendronbusch.