Notizen ut'n Braakmaand


Wat is dat eentlich för en Welt,
'neem Wiehnachtssteern bet Juni höllt?
'neem wi vör Wellblechhallen staht
in Hitten, un uns impen laat?

Wat is dat denn bloots för en Welt,
'neem Regeln nich för alle gellt
un liekers höllt Fru Holle denn
uns all ehr duften Dolden hen...

...mit lächeln övervulle Hand,
as weer dat allens Sülvstverstand,
harr unerschütterlich Bestand.
Wat is dat eentlich för en Land?

Wat is dat denn bloots för en Welt,
de sik in allens oprecht höllt,
de nix verdenkt, de nix vergrellt —
verdeent wi wirklich so en Welt?

De schenkte, unverdeente Welt,
'neem Sünnlicht noch ut Schadden fällt
op dunkeln Woold un riepen Koorn —
is unerkläärlich, weet wi al,
en Superwelt, totaal normaal.
Düt Wunner laat wi uns verkloorn
utrekent vun Elmshoorn.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet