anyway

stahl stört dal
parolen schriegt
schiller wiest di weg —
süht ut, as weer
de welt in'n krieg
gegen di

man wenn
de regen kümmt
nimmst du de tähnblecken welt
ehr nischen
un bargst di in.
laat ehr toven — se höllt
dien matratz dochen dröög.

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing