Notizen ut'n Christmaand


maak di op, warr licht —

denn din licht kümmt,

un den herrn sin herrlichkeit

geiht op över di!

Jesaja 60


 

 

ok jesus denkt: laat mi an land!
keen schuul vör snee gifft dat gewand;
dat is ja vun metall.
dat ewig licht is lang verbrannt.
— da keem en minsch, ganz unbekannt,
un dä em en gefall:

he geev in jesu kole hand
en meeschenknüdel. — dat's verstand!
"de möhsal dreegt, de lasten drückt —
kaamt her na mi, ji warrt erquickt!
wat meeschen ji orr minschen sünd,
sünd een un all ja gott sin kind!"
un ja: dat gellt för all.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet