Notizen ut'n Aarnmaand


treehenge

de andacht leggt
in't hilligdom
sik sülvst
op den altar
de boomkrink steiht
nich üm en boom:
se sünd ehr egen
hilligdom
un egen reliquiar


 

 

 

 

 

 

dat water is to'n spegeln da
dat spegelt nix as di
gifft sik di hen un ahmt di na
in folgsam symmetrie

 

 

 

 

 

 

dat water hett keen egen mund
dat hett keen egen gröön
un wiest den spegel, nich den grund
un spegelt stumm de bööm in't rund
verkehrt, in dunkler töön

 

 

 

 

du denkst, dat dat
dien echo is
dat bloots üm di sik sörgt —

 

 

 

 

man ünnern spegel
wasst en kruut
dat wasst un wasst
to'n spegel rut
bet dat
de bööm erwörgt


Foto "Treehenge": Bertram Botsch
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet