Notizen ut'n Oostermaand


blaages Oosterei in de Astgavel

änderungs dienst

da is de deenst! nu hölpt nix mehr,
din leven warrt verännert.
de deenst geiht ruug mit di tokehr,
mit nadel, trennhoken un scheer;
du ännerst nix, settst di to wehr —
du warrst un bliffst verännert.

he sniedt di op un dreiht di üm;
dat binnerst, ok de drööm,
kaamt rut; de deenst is ungestüm.
alarm! — man is dat würklich slimm?
süh dor sin fuust! se höllt di hin
en rükebuschen blööm.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet