Wenn't Niejohr so kümmt

Klick up tau'n Vergröttern!

An'n Häben lücht dei Månd so klor,
So fangt dat an, dat Niege Johr.
Un as so'n Böller ganz dull kracht,
Hett hei sogor so'n bäten lacht.

Wat freut den Månd dat Farwenspäl
Up uns witte Ierdendäl,
Dat ut den Häben russelt sacht
Noch Schnei in disse Niejohrsnacht.

Un dor hei båben mit uns wåkt,
Uns klürig Häben Hœch em måkt,
Un äbenso dei Böller Knall,
Dat Klockenbeiern œwerall.

Denn ward dat ünnen wedder lies,
Ut gåhn dei Lichten hupenwies;
Blot dei Månd, hei lücht noch bleik
Up den Schnei so witt un weik.

Klick up tau'n Vergröttern!