Maud

Maud is nörig,
ein Läben lang.
Maud hemm, tau seggen,
wo du tau steihst,
op wecker Sied du büst.
Maud hemm, twüschentaugahn,
nimmt Unrecht oewerhand,
ok mal'n Mund upmaken,
wenn't nörig deit.

Maud hemm, tau seggen:
"Ik heff di leif,
will mit di läben!"
Wie lang dat höllt,
weitst du nich.
Maud tau'n iersten Schritt,
de maakt warrn mutt
na'n Striet.
Up'nanner taugahn,
ümmer wedder!

Maud hemm,
vun vörn antaufangen,
wenn all's geiht barchdal.
Maud maken
einen Minschen
dei nich miehr kann
ore nich miehr will.

Ok tau'n Oldwarrn
brukst du Maud.
Maud ein Läben lang!