Woans de Biller taustanne köömen
Vun Ludgerd Lüske
Dat
Bild
Reet het sienen besünnern Weg. Miene Kollegin in
dei Schaule, dei giv Kunstunnerricht, har wat van miene Bildwarkerei
up dei Bildschiev mitkrägen un geev mi ein Fotobauk äöver
ein historsiket Herbar in dat Britiske Museum in London. Dat nöm
ik mit taun Studeern. Einkelne plattmaokte Planten dorut hebb ik digitaol
knipset, scannen güng nich, dat Baukformaot was tau groot. Dat
hier wieste Reetbild lett in dat Fotobauk heel bäter, ist sülvern
schwart-witt.
Poar flackoartige Swart-witt-Biller van den Fotograofen Jaroslav Rössler
har ik don all ümmesett in Farvbiller mit Ruumansicht. Dorbie werd
dei Formen van dei inscannten Biller, sünt dann up dei Bildschiev
dei Unnergrund, äöverteiket. Dann treck ik disse Unnerlaog
weg un dat Bild krigg sien neiet Läben.
So güng dat uk mit dat Bild Reet. Tau miene Kollegin hebb ik dann
seggt, dat dat afbilled Reet neiet Läben wedder in ein' Ruum hebben
schull. As mi dücht, hett dat klappt!
![Fleigen Flack](kuenst_biller/l_r_10.jpg) ![Fleigen Flack](kuenst_biller/l_r_11.jpg)
Fleigen Flack. Beed Biller sünd digitaal maakt, bloots na de
Rössler-Oart gestalt
Dei
Biller hebbt so ehr eigen Geschicht. Fleigen Flack hett
kiene Vörlaog, blots dei Oart, as Rössler siene Fotograofiken
möök. Dei Isolatoren (Bild linkerhand) fünd
ik bie't Uprüümen up usen Hoff in ein' ollet Waogenschuur
in ein' ollen Fauerwaogen. Ik hebb nich forts uprüümt, eiers
wörd digitaol knipset. Läöter güng't an dei Bildschiev...
Dat Bild Äöver dei Wolken (nerrn) is ein Wark
ut Hand un Kopp.
![Äöver dei Wolken](kuenst_biller/ll_wolken.jpg)
|