Noch mehr grote Hüüs in
Lübeck: Se köönt de mehrsten Biller
dör Klick vergröttern. Trüch kaamt Se denn mit'n Zurück-Knoop
op de Browser-Symbolliest!
Vun lütte Hüüs in uns' Stadt un von de Gänge
heff ik vertellt un ok vun dat Raathuus un
dat Hillig-Geist-Hospital un anner grote
Hüüs mehr. Man vun en Slott heff ik nix seggt. Mit dat "Slott" is dat en lange Geschicht. Nich wiet af is uns Dom. Un dicht bi den Dom hebbt de Domherren wahnt in schöne, grote Hüüs. Dat weern de Kurien. Ok as Lübeck en evangelisch Stadt worrn is, bleev dat noch lang so. 18o4 is dat Huus wat wi hüüt "Slott Rantzau"
nöömt versteigert worrn, köfft hett dat Herr vun
Evers. De weer Pronotar, un sien Familie hett dat Huus över 50
Johr behollen. Sien Enkel hebbt so männichmal in den ollen gotischen
Keller rümtoovt, se he Geern warrt vertellt, dat de Königin vun Sweden in dat Huus to Besöök weer. Dat stimmt ok: eenmal, för twee Daag. Denn hett de Familie Evers dat Grundstück verköfft an Graf
Kuno von Rantzau-Breitenburg. De Rantzaus höört to den ganz
ollen Adel in uns Land. Graf Kuno hett dat H
1860 wörr en groot Schiller-Fest in Lübeck fiert. De ganze
Stadt weer up de Been, de Hüüs weern smückt so schöön,
as't man güng. Dat Schöönst weer dat vun den Grafen Rantzau.
In't Blatt stünn to lesen: In den Krieg 1870/71 geven de Rantzaus dat Huus frie för verwundte
Soldaten. En poormal is dat in anner Hännen kamen, denn hett 1882 de Koopmann Edmund Pülschen dat övernahmen. He keem ut Hamborg un harr enen Laden an de Eck vun de Pfaffenstraat un de Breed-Straat. Dor kunn een Jacken un Büxen köpen ut England, Parfüms un gode Zigarren. Vun em warrt de Geschicht vertellt, dat he sienen Hoot up de Schienen
vun de Stratenbahn leggt hett, wenn he dat hild harr. De höll denn
extra för em an un leet em instiegen. Herr Pülschen harr en gode un glückliche Hand. En poor Hüüs
hett he sülms buut un en poor hett he köfft, 1882 ok dat Slott
Rantzau. Dat Slott weer denn sien Tohuus bet 1901. Ganz veel hett sik ok in uns Tiet nich ännert. Dat Eichamt seet
dor en Tietlang in un ok uns Man denn harrn wi Glück. De "Deutsche Stiftung Denkmalschutz"
mit ehren Generalsekretär Dr. Robert Knüppel he weer
mal uns Börgermeister is kamen un hett dat Slott saniert
un restauriert. Nu is dat wedder en Prachtstück. Un denn de Rokokosaal, wunnerschöön! Groot un wiet, hoge
Finster na de Parad Ik wünsch mi, dat de dor recht lang sitten kann. |