Karl H. Nissen De Klööster un dat Hillig-Geist-Hospital Se köönt de mehrsten Biller
dör Klick vergröttern. Trüch kaamt Se denn mit'n Zurück-Knoop
op de Browser-Symbolliest!
|
Vun de groten Kirchen in uns Stadt heff
ik al vertellt, wi harrn aver noch mehr Kirchen in Lübeck.![]() Veer Klööster geev dat, jede harr ene Kirch; un ok to dat
Hillig-Geist-Hospital höör en. In dat Johr 1143 so steiht dat in en oll Chronik keem Graf
Adolf vun Schauenburg in uns Gegend. Em gefüll dat hier un "er
begann eine Stadt zu erbauen". ![]() Dat Johannis-Klooster Dat leeg ünnen an de Wakenitz, dor, wo hüüt dat Johanneum steiht. De Benediktiner dräägt swatte Kleder. Se blievt ehr Leven lang in ehr Klooster, mütt veel arbeiten un veel beden un lesen. Se mütt gehorsam sien un nix höört ehr to, nich mal en Neihnadel. Dat grote Grundstück, dat to't Johannisklooster tohören dee,
güng vun de Fleeschhauerstraat bet dicht vör de Hundestraat. Na 1900 hett sik veel ännert. Fabriken sünd gründt,
lang weer dor en Holtlager. Geschichten un Geschicht vun dat Johannis-Klooster As dat los güng mit dat Klooster in dat Johr 1177, dor weer Lübeck
noch kene grote Stadt, man hier leven al vele Minschen. De harrn so
männichmal ehre Noot mit dat dääglich Broot. Kinner groot
trecken weer nich licht. Jungs So weer dat en gode Saak, dat Mönke un Nonnen ut dat Aegidien-Klooster
ut Bruunswieg (Braunschweig) kemen un up dat grote Grundstück to
buun anfüngen. Keen weet, wo dat anfangs utsehen hett, man, dor
warrt wohl twee Hüüs west sien, een för de Mannslüüd
un een för de Fruun. Aver de beiden Hüüs weern wohl nich
wiet noog ut'nanner. In en olt Book heff ik leest, dat de Bröder
un Süstern ut Bruunswieg kamen sünd, de man dor geern los
sien wull. De hebbt hier so vergnöögt leevt, dat se in de
Stadt veel Arger kregen. Up letzt müssen de Mönke uttrecken
wat se wullen orrer nich. Se müssen in Cismar nie wedder
anfangen. Dat Johannisklooster weer riek. Vele Dörper hebbt dor to höört
(Schenkungen vun rieke Börger), so de ganze Travemünder Eck.
De Äbtissin weer jümmers ene wichtig Fru. In't Museum gifft
dat en Bild, dat wiest binnen dat Raathuus. All de feinen Raatsherren
loopt dor rüm, un en Fru is dor mank, dat is de Äbtissin. 1804 is allens, wat to dat Klooster tohören dee, an de Stadt Lübeck
övergahn, un dat is bet hüüt so. As de Mönke na Cismar trocken weern, leven in dat St. Johannisklooster
Fruun, Nonnen un Jungfruun. Mal leven dree Döchter ut de Familie Attendorn in dat Klooster.
De Mudder weer vun enen kloken Mann wohrschuut worrn, dat de dree Deerns
bi en groot Unweder to Dood kamen kunnen. Dor bröch se ehre dree
Kinner in dat Klooster, se dach se glööv dat
de Kinner dor seker weren. Man de Äbtissin harr sülms Angst
vör Unweder. Se hett de Deerns, as de Heven swatt un düüster
wörr, rutschickt na buten. Un denn keem en Blitz, en Dunnerslag
En annermal, wedder leven dree Döchter in dat Klooster, de weren
ut de Familie Ihlhorn. Un wedder weren dat dree, de al as Kinner in dat Klooster kamen sünd.
As se ranwussen weren, hebbt se mitkregen, dat dat buten in de Welt
noch anner Minschen geev, junge, hübsche Mannslüüd. De
Deerns sünd ganz trurig worrn, achter de Kloostermuur. Dat dor Kinner leevt hebbt in't St.Jonannis-Klooster, dat mag stimmen.
Bi't Utgraven keem ok Speeltüüg vördag, Kugeln ut Toon,
so as uns Pickers, un lütte Deerten, Peer un Hahn. Gegenöver vun dat Johanneum dat weer en School blots för
Jungs steiht vun 1903 an dat St. Johannis-Jungfruun-Klooster,
groot, wietlöftig un hell. Dor wahnt hüüt noch so bi
twintig öllere Damen. Lange Tiet Dat hett sik 1988 tominnst in dat Gymnasium, in dat Johanneum, ännert. Vun de Tiet an gaht dor Jungs un Deerns to School. Un so, as dat utsüht, kaamt se hüüt goot mit'nanner ut. |
För dat letzte Bild dankt wi www.lauritzen-hamburg.de |