Karl H. Nissen Dat Sankt-Annen-Klooster Se köönt de mehrsten Biller
dör Klick vergröttern. Trüch kaamt Se denn mit'n Zurück-Knoop
op de Browser-Symbolliest!
|
Dree Klööster sünd in
de Tiet üm 1200 rüm gründt worrn in uns Stadt. Mönke
hebbt in dat Katharinen-Klooster un in dat Borgklooster leevt, ok in dat
Johannis-Klooster weren toeerst Mönke tohuus. Later sünd dor
Nonnen introcken, dat weren Zisterzienserinnen. ![]() Nu hebbt in so en Nonnen-Klooster ok Fruuns wahnt ut de rieken Lübecker Familien. Wenn se nich heiraat hebbt, denn sünd se in't Klooster gahn. Se kregen ehren Bruutschatz mit un weren för ehr Leven goot versorgt. Se harrn en seker Dack över den Kopp, goot to eten un hebbt männichmal ganz fiene Stickarbeiten maakt.
In de vörnehmen Familien geev dat rieklich Döchter. Nich
all hebbt enen Mann funnen. Vun disse Döchter sünd en ganze
Reeg in dat Johannis-Klooster gahn. En Grundstück weer dor, dat leeg an de Ritterstraat, de nu al
lang St.-Annen-Straat heet. De Kapitelsaal, he is meist as en Quadrat, un ok de Sakristei liegt
na de Kirch to.
As dat losgahn sull mit dat nie Klooster, harr ok de Bischop ut den
Lübecker Dom mittosnacken. He hett bestimmt,
dat de Niebu na de hillige Anna heten sull.
|
Lübeck weer nu evangeelsch, de Kloostertiet weer üm. Vun de Jungfruun sünd welk wedder bi ehre Familien ünnerkamen, de dat nich jümmers geern sehn hebbt. Mach sien, dat de een orrer de anner doch noch heiraadt hett. Dat Klooster stünn nu en ganze Tiet leer.
De teihn Provisors harrn dat nich licht, de jümmers satt to kriegen,
un keen hett sik drängelt na so enen Posten.
Bilütten harr man insehn, dat dit allens keen goden Tostand weer,
so vele Minschen hier ünnertobringen. De Kinner, de Ollen un Kranken
hebbt ehren Platz woanners funnen. Dat Klooster weer toletzt blots noch
Gefängnis. Dor harrn nu de Museumslüüd al lang up töövt. De Rest vun de Kirch stünn wieder twei un trurig blangen dat olle
Klooster. Rund 500 Johr gifft dat "St.-Annen" in Lübeck. Goot, dat wi dat hebbt. |