Limericks för Dezember

van Ludgerd Lüske

 

Grock aohne Schminke

In Vechte up den Wiehnachtsmarkt
dei Händlers ehre Buden bewarkt.
Heiko dait sienen Grock updrinken,
Engel-Deerns wullen üm don schminken.
Hei naihde ut, rumms vör't Auto, wat dor parkt.

Middagschlaop vör'n Adventskranz

Veihdokter Bernd köm in'n Advent middaogs nao Huus tau'n Äten,
bi'n Middagschlaop har'e dei Adventskranz-Kessen vergäten.
Dei brennden wieder daol un un wörn noch lange nich ut',
bi den stinken Damp bläkde dei Labrador don heel luut.
Dei upwaokte Bernd dö fix löschken, süss har dei Hund üm woll bäten.

Lohner Wiehnachtsboom

In Lohn güng Korl mit dei Äxen up'n Padd,
siene Adele har gerne 'n Wiehnachtsboom hatt.
In den Buschk was nich väl los,
krumme Bööme fünnt hei blots,
recht uppstellt gefüllt Adele dat.

Kaukenbacken mit Likör

Mia un Heidi ut Armke wullen eis Kauken backen,
sei dön dei köfften Saoken för den Diek utpacken.
Dei vulle Kaukenform harn sei in den Backaobend daon,
för einen seuten Likör wörn sei don in dei Staobend gaohn.
Nao Likör up Likör dö dei Diek schwart tausaome sacken.