Limericks för November

van Ludgerd Lüske

Dat Harwstloof

Harm möß up'n Hoff in Resthuusen dat Loof wegharken,
allein mit Handarbeit kunn hei nich aals bewarken.
Dei Raosentrecker kreeg dorbi väl mehr besiet,
so güng dat fix, bit tau'n Fieraobend was't nich wiet.
Annern Morgen dö hei neiet Loof vör'n Huuse marken.

Mit dei Laterne gaohn

Dei Molber Kinner gaoht mit ehre Bummelaterne,
in'n Düstern bi lüchten Maond un blinken Sterne.
Sei willt up dei Stä nich lange staohn,
sei willt noch 'ne Tied so wiedergaohn.
Hollt sei ehre Laterne scheif, brennt sei gerne.

Dei soltige Kekau

Nao dei Schaule wull Fidi gau för sick wat kaoken,
hei hüllt ut dei Spieskaomer dei passen Saoken.
Melk un Pulver för ein'n leckern Kekau,
uck seutet Wark möß wiss dortau,
aower bi Zucker un Solt versüht man sick faoken.