Limericks för Juli

van Ludgerd Lüske

Grillen

In dei warme Sommertied
staiht dei Grill all besiet.
Mojet Grillwark schall up den Rost,
achten mutt man up gesunde Kost.
Ein Gasbuddel för den Elektrogrill is schiet!

Dei wilde Draoken

Hein stüerde in Thülsfelde an'n Strand
sienen bunten Draoken an'n langen Band.
Hen un her, up un daol an't Suusen ,
luut hörde man den Draoken bruusen.
Dat Band güng twei, dei Draoken aff äöwert Land.

Aohne Farwe

In Buurnsdörp verlöß'n Buur dei Farwe,
an Glück dachde don dei Arwe.
Den Affkaot dö hei roopen,
hei wull däget wat verkoopen.
Schulden wörn sien Verdarwe.