Limericks för Mai

van Ludgerd Lüske

Kien Limerick vör't Freuhstück

Dei Nacht was vörbi, ick dö upstaohn,
ein Limerick schriewen, gawe is dat daon.
Schriewstift un Papier kreeg ick her,
man et geef don gorkien Riemel mehr.
Aohne Freustück mit Kaffee wull et nich gaohn.

 

Den Wulf sien Schaop

In Thülsfelde stünd ein Schaop up dei Heide,
dat was den Wulf siene groote Fraide.
Nachtens äöwer den fasten Elektrotuun
sprüng hei so hoch, at hei woll kunn,
liekdaol vör den Äsel un wüss, wat üm blaihde.

In Beithen an't Schweiten

Up dei Wallfohrt nao dei Basilika in Beithen
kööm man bi Sünnenschien orig in't Schweiten.
Bi dei langen Prädigt van den Pastor
schlööpen wecke in, dat is wiss wohr.
Up'n Trüggeweg füng et mit Grummeln an tau geiten.