Limericks för April

van Ludgerd Lüske

Kauh aohne Lila

'Ne Kauh in Stalvern up dei Weide
Freet dat Gräss mit Fraide.
Oma un lütt' Jan bekeeken dat,
Jan sä: "Dei lätt blots witt un schwatt."
Äöwer "Lila" lachden sei don beide.

 

E-Radfohrt

Aff nao't Museumsdörp gaiht dei E-Rad-Tour,
dei Fohrt äöwer't Land is blots van korte Duur.
Ünnerwägens dröpen wi noch ein E-Rad-Poor,
wor wi aale henwullen, dat was klor.
Up dei Trüggefohrt dreef us ünner'n Boom ein Schuur.

Lotte ehre Motte

Hein fünd in Hamborg siene Lotte,
dei Nacht was üm tau kotte,
fünd nix mehr in dei Knippen,
an'ne Bar geeft nix mehr tau'n Nippen,
up ehr'n Slip krööp don dei Motte.