Peter Schwingen üm 1837
Hannelore Hinz
Sonett X
Laternenkinner
(ut: Sonettenkranz Künstlerkolonie Schwaan 2001)
Gahn bald mit Sünn, dat süll de Harwst man
weiten,
de Kinner nich tau lat in'n mäuden Dag.
Tauhop gahn sei in eine Richt, un ach,
wo warm kann gülden Licht up Ierden fleiten.
Ick kiek, un mücht' woll männigmal anfragen,
woher so kümmt dat väle Licht üm mi,
wat Kinnerhänn' hier in de Stadt rindragen,
tau Abendstunn' so'n grote Harmonie.
Bald luder klingt de Göern ehr Sang', säut
Snut
kreiht gegenan, tau rasch will Abend düüstern,
wieldes halt Mudding Sloeteltasch all rut.
Nah all' de Freud von Mudding noch ein Smüüstern.
Lütt Diern halt Luft un pust dat Licht fix ut.
Nu sünd's tau Hus un keinein künn verbiestern.
Üm 1870: Edward. Gesellschap
|