Paul Klee geef Unnericht an dat Bawhuus. Dortau har hei för sick eine Sammlung ut Texte un Teiknungen fardig maokt. Hei bruukde blots korte Gedanken un Ideen un einfache Formen. Dat was sien Rüstwark.

Unner dei Äöwerschrift "Formenwark un Formaot" finnt man disse Teiknung.

Bild-Daoten: Paul Klee, mit mehr Kontrast; Klee-Originaol-Daotei

Wenn man den Kontrast starker maokt, süht man den Affloop van dat Form-Finnen.

Bild-Daoten: Paul Klee, mit mehr Kontrast un mit naoteikte originaole Formen

Dortau passt uck Klee sien Satz (1920): "Dat Bewägen maokt aals." Dit Bild staiht för den Satz: Unglieke Formen maokt tausaome ein Formenwark. Nargendswo fünd ick disse Bild-Idee so in Klee siene Biller. Dit Bild mög ick doch tau gerne farwig seihn. Corel Draw is mien Warktüg dortau. Neern daut nu dei Farwen ehr Wark. In dat Formenwark luurt nao mienen Sinn uck dei Wind.

Bild-Daoten: Ludgerd Lüske, nao dei Klee-Vörlaoge

Wind van vörne un van achtern

Wind in taumeute
is wiss nich seute.
Weihen Hoore äöwern Brägen,
hei kann't verdrägen.
Windformte Näsen vörn,
Ohrn mäöt' Bruusen hörn.
Nao vörne seihn,
äöwer Stock un Stein!

Wind aohne Maot,
hei finnt kien'n Raot.
Töppen pielt bargup,
Näsen-Drüppen hollt nicks up.
Brillenglas den Storm upkielt,
Ogen bange pielt.
Wat kummp van achtern —
blots ein Jachtern!

11.7.2020