De Lent
Kalennerblatt vun Anke Nissen un Ludgerd Lüske
 

April

April...

ok "Launig"
ok "Ostermond"
ok "Oostermaand"

Maand för en Reinmaken — Reinwarrn — binnen un buten;
Maand mit Launen;
Maand vun Hoochs un Deeps.

Wokeen erinnert sik nich an dat "Grootreinemaken"? Allens — elkeen Eck un Kant — wörr schüürt, schrubbt, keem an de Luft.
Jüst so sull disse Maand ok en Tiet sien, uns Minschen vun binnen un buten rein to maken — rein warrn to laten.

Anke Nissen

 

Bild un Riemel: Ludgerd Lüske


   
Mai
     

 

 

Mai...

ok "Wonnemonat"
ok "Weidemonat"
ok "Maimaand"

"Wiedergeburt" — allens is wedder dor!
Maand för't Glück, för de Leev, för Harmonie

Dat Fröhjohr kümmt an sienen Hööchtpunkt. De Natur driggt ehr schöönst Kleed. Allens is an't wassen, allens gedeiht. En goden Segen liggt över allens, ok över uns Minschen — uns' Seelen.
Jüst so as de Natur sünd ok wi Minschen vull nie Energie, vull nie Tovertruun.
Wi söökt na Frünnen, na Leevde.

Anke Nissen

Bild un Riemel: Ludgerd Lüske

Juni  

Juni...

ok "Brachmond"
ok "Heumond"
ok "Braakmaand"

Maand, in den allens an't wassen un blöhen is;
Maand vun de Sünn.

För mienen leven Mann is de Juni de "Rosenmaand".
De Duft vun de Blöden begegent uns överall.
Dit is de Maand vun de Sünn, vun dat Wassen, vun dat Blöhen, vun de Kraft un vun't Gedeihen.
Wi fiert Blomen-, Goorn-, Hochtietsfeste.
Dit is de Tiet för Tohoopsitten an warm Avende.
Harmonie, Glück, Leevde sünd för uns Minschen in dissen Maand wichtig — angenehm.

Anke Nissen

 

Bild un Riemel: Ludgerd Lüske

   

Mehr dorvun: Sommer, Harvst, Winter


trüch


na baven


na't Flack

na de Startsiet