Harvstleven

Harvstleed vun Addi Kahl


 

Vun roote Haagbudden, vun blaue Sleen,
so 'n hitte Tee, een leckern Wien,
ward uns de Harvsttied sodennig behagen
mit ehre gülden Sünnendaag’n.
Swatte Flederbeersaft in uns Kamern,
un langen riep de Appeln över 'n Sommer,
frei mi op Rosen- un de Gröönkohltiet,
jümmers to Harvst is dat so wiet.

Rode Ahornbläder an uns Kark,
in warme Strümp op 'n Wuchenmarkt,
dat is de Harvst in de buntigst Oort,
so veel besungen in Leed un Woort.
Mitünner nächtens all dat eerste Ies,
bald ward man gau denn Winter wies.
Warme Büxen un Pullunner ruut,
un de Klenner süht all spittelig ut.

Harvstleven is so schöön,
so veel bunte Farven giff 't to sehn,
in 't welke Loof mit de Schoh rümruscheln,
dat kann mi so verwöhnen.
Harvstleven is 'n fiene Saak,
bi 'n kohle Nees hölp 'n stiefe Grog,
Birnen, Bohnen un Speck sünd de schiere Wahn,
dor laat ik anner Eten glatt för stahn!


27.9.2018

trüch


na baven


na't Flack

na de Startsiet