|
Bild "De Grote See" vun Rudi Witzke
Klick op to'n Vergröttern! Trüch geiht't mit'n Zurück-Knoop
op de Symbolliest
|
de grote well
(mit dat bild "de grote see" vun rudi witzke)
un ut de ferne rullt de grote well.
an'n strand stah ik vördaal un seh ehr kamen.
de muschel heff ik vun den sand opnahmen,
holl an min ohr ehr leevliches pastell
dat lett so licht un smödig, un ik stell
mi vör, de heven leeg so över't meer
perlmutt, un ruusch so lies — wo kümmt dat her?
as af ik't nich in mine hannen höll —
dat is de well. hooch steiht se vör min ogen.
nu ward se swatt vun binnen, brickt sik hell.
ik stah benüßt un laat de muschel sinken.
denn brickt as muschelkalk de hevenbogen
un ik seh dör. as müss ik in verdrinken,
wiest sik en grötter see an hevens stell.
un in de ferne rullt de grote well.
Marlou Lessing 2002
|
