susen flitzen
küseln warweln
mullköörn
in't wiede all
allens suust un flitzt
lütter as lüttest
egenlich een nix
se tucken
hen un her
warveln in'n krink
üm un dörch
eenanner
un ok
gegen eenanner
de stiernmull
suust
in nevelwulken
un denn
wulk gegen wulk
een blitz
zuckt bit an't enn
un fast
smölten op'n dutt
wat malins nix is
tosamen
dat pultert
un dunnert
een niege stiern
suust af
in de nacht
de keen
enn kennt
suust un bruust
un ward fungen
rund geiht
nu de reis
üm een sünn
beten in en ellips
för en tiet
de mit nix
meten kannst
un wi in'n lütten
plink vun een
wimper
gruveln
wat dat
bedüüdt
wokeen dat maakt
wohrhaft to'n grüveln
stiernmull
un denn wi
annerswo töövt
annere schonst
för dat sülve
spill
un jümmer wieder so
ahn hannen un fööt
bloots so
unnütt
??
?
!