Corona exponentiale


ahnmerklich schuuvt sik
de maan vör de sünn:
sichtbor warrt
de corona

strahlen
kranz
vun de sünn
en momang
ewigkeit

de tied
steiht still
de tied
steiht

in'n exponenten

rasend
wasst de funkschoonsweert

solang
de tied
dor steiht, reglos
helpt nix as
still
stand
vun'e welt

nix schüht
mehr
as ehr vergahn
dat föhlbor warrt
in't töven op
keen verännern

verännern —
sachten, sachten
treckt de tied
den differentialquotienten:

dat is
se sülvst.


Wöör: Marlou Lessing

21.3.2020


trüch


na baven


na't Flack

na de Startsiet