Enkidu

vun Adeline Erika Decker, Fotos Secil Yusun
De Biller köönt Se per Klick vergröttern!

Enkidu I

De
de in de Bargen
bi de Gazellen
ik
Enkidu
de de Fallen von'n Jager tosmeet
an de Börnstell
vor Tieten bin ik't wies worrn

Dör Ischtar
de Göddin in Babylon
worr ik künnig un heff
mit Gilgamesch fecht
Ik
Enkidu
to Fründschop worrn us Johrn

In Zedernwold
wo unner Bangen wi
use Namen groot maakt
un gegen Ischtars Hevenbull un
Chumbaba wunnen hebbt

Ik, Enkidu,
de de schemern
glinstern Poort
de Spitz von'n Gödderbarg
anfaat't
den straaft de Gödder

Enkidu II

Een Vagel hett den Droom
de Unnerwelt brocht
den Roop von'n Heven

Noch as ik unner de
jungen Akozien leeg
Ik
Enkidu an den Springsoot
un op dat Eiland in'n Dunst
von'n Euphrat

Dor beswoor
Gilgamesch wenn
de Vagels hinwegtogen
use Knööv un Fründschop

De gewaltig starke
de gootmödig'
de Keunig von Uruk
Gilgamesch
klaagt un beweent mi
Enkidu

He schoot nich den Weg
over dat Water von'n Dood
mi
Enkidu
to beleven

Un snitjert de Antwoort
an't Leven in'n Steen —

He
Gilgamesch
Keunig in Uruk.