Zirkus
Un treckt de Zirkus dör de Straat,
kickt Mine, Trine, Stine rut,
un sleit dat Telt up in 't Verlaat,
gah ik ok maal to mien Huus ut.
Klingling bumbum un tschingdada!
Un denn bekiek ik unner 't Telt
mit bevern Hart dat heel Programm,
de Kunststücken ut alle Welt,
un gah daarna up 't Huus weer an.
Klingling bumbum un tschingdada!
In 't Huus doo ik dat Fernsehn an,
daar gifft dat denn dat Nachtprogramm,
mit Kunststücken ut alle Welt,
daarbi noch Sex un Crime vergrellt.
Klingling bumbum un tschingdada!
Beate Briese: Zirkus
ABDCDEFK
En dicke Tau van A na B,
en slanke Wicht van B na A,
en Stang in d' Hand van C bit D,
up d' Schuller en Hans Kaa.
De Kaa, de maakt dat Wicht heel rütt,
he knippt in 't Ohr dat Wicht,
Dat kriggt tomaal de Been in Knütt,
maakt en benaut Gesicht.
De Stang, de sleit van D na C,
benaut kickt ok de Chef,
dat Wicht kippt nu van Luuv na Lee,
fallt denn van E na F.
Oflehren
Well hett di dat Flegen oflehrt,
kukeluuroogt
mit besneden Feer,
bunte Papagei?
Well hett di dat Swemmen oflehrt,
blindunholloogt,
mit dumogriese Fell,
olle döserg Rubb.
Beate Briese: Frau mit Zopf
