Jerusalem an Sabbat
De Sünn versackt
Achter Zypern
Polen
Frankriek
Un Düütsland
Mit Sabbat raakt
Over 't Klaagmüür
Hoorntuut
Muezzin
Un Klockenslag
Stadt van Free
Over Jerusalem
Heel düster Wulken
Denn Blitz un Dönnerslag
Keen Vörhang reet
un keen Minsk wuss
Of 't an daar boven
Of an Kanonen lagg
Via dolorosa
Sünner Krüüz
Geiht sük 't licht
De Padd
Na Golgatha
Man mien Hart
Weet de Richt
De Padd na
Golgatha
Sien Grafft
Up de Kalvarienbarg
Daar steiht en stenern Kark
Un in de stenern Kark
Daar steihten marmoorn Sarg
Un in de marmoorn Sarg
Darr liggt en lüttje Mann
De Jesus wesen kann
Up de Kalvarienbarg
Gethsemane
Waarum sünd ji ant Slapen*
Nu staht un gaht un doot
Scheit ut mit Beckengapen
Koomt ennelk maal to Foot
So ji de Welt neet mögen
So annert wat daaran
So sünner sük to rögen
So steiht keen Minsk sien Mann
* "Was schlafet ihr?" (Luk.
22, 46)
