De nördliche Wiehnachsmann

vun Richard Weigand

Wook op, du leve Wiehnachsmann,
lang noch hest du nu slapen.
De Kinner all, de tööft op di
un luder scheune Saken.
Dien Klappreckner infrorden is,
weest nix vun al de Kinner —
wat’n Glück, dat du de Wichtel hest,
sünst güng di dat to minner!

Op wiede Feld de Heuder seet,
buten bi sien Darten.
De Sterns an hogen Heben snackt:
„Nu schall dat Wiehnacht warden!“
Nu gau, man flink, komm in’ne Gäng,
nu laad wi alln’s op Sleden,
doch stop, dat helpt uns nich, de Rentier’n
sünd in Streik getreden!

In grote Säck wi alln’s nu packt,
vereent mit al uns Maten.

De Weg is wied, de Snee so kold,
uns ward dat good geraten.
To’n Hillig-Obend kümmt he an,   
in’t Kinnerland — de Wiehnachsmann.
De Kinner fangt to beden an,
„Wi tööft op di, leev Wiehnachtsmann!“